Японы судлаачид цагийн дотор далайд уусдаг хуванцар бүтээн, далай тэнгисийн бохирдол, зэрлэг ан амьтдад хор хөнөөл учирч буй орчин үеийн гамшгийн эсрэг нэгэн шийдлийг гаргаад байна.

Эрдэмтэд өмнө нь биологийн задралд ордог хуванцруудыг бүтээсэн боловч энэ удаа “RIKEN” шинжлэх ухааны төв болон Токиогийн их сургуулийн судлаачдын хамтран гаргасан материал нь илүү хурдан задарч, ул мөр үлдээдэггүй гэдгээрээ онцлогтой гэж мэдэгджээ.

Тус багийнхан хэрхэн бүтээгдэхүүнээ арилжаанд оруулах нарийвчилсан төлөвлөгөө гаргаагүй байгаа ч төслийн удирдагч Такузо Аида хэлэхдээ, тэдний судалгааг сав баглаа боодлын салбарынхан ихээхэн сонирхож байгаа хэмээжээ.

НҮБ-ын Байгаль орчны хөтөлбөрөөс 2040 он гэхэд хуванцрын бохирдол гурав дахин нэмэгдэж, дэлхийн далайд жил бүр 23-37 сая тонн хог хаягдал нэмэгдэх төлөвтэй байгаа гэсэн судалгааг гаргасан.

Аида хэлэхдээ, шинэ материал нь нефтийн хуванцар шиг бат бөх боловч давсны нөлөөгөөр бүрэлдэхүүн хэсэг болж задардаг. Дараа нь тэдгээр бүрэлдэхүүн хэсгүүд байгалийн гаралтай нянгаар боловсруулагдаж, улмаар далайн амьтдад хор хөнөөл учруулдаг микропластик үүсгэхээс зайлсхийх боломжтой. Хөрсөнд ч давс агуулагддаг тул хуванцрын таван см хэсэг нь 200 гаруй цагийн дараа хуурай газарт задрах юм.

Материалыг бүрэх үед ердийн хуванцар шиг ашиглах боломжтой бөгөөд судалгааны баг нь одоо судалгаагаа материалыг бүрэх аргууд дээр төвлөрүүлж байна гэж Аида хэлсэн юм. Тус хуванцар нь хоргүй, шатдаггүй, нүүрстөрөгчийн давхар исэл ялгаруулдаггүй аж.

Эх сурвалж: Reuter

Бэлтгэсэн: Сарасвати