Уур амьсгалын өөрчлөлт ба орон нутгийн төлөвлөлт форум болж байна

Нийт шүүгчийн хуралдаанаар улс төрийн намтай холбоотой асуудлыг шийдвэрлэлээ Нийтийн эзэмшлийн гудамж, талбайг усалж чийгшүүлэх ажлыг эрчимжүүлэхийг үүрэг болголоо Ахмад настнуудад 100,000-300,000 төгрөгийн суурь тэтгэвэр шинээр олгоно Монгол Улсад 418,732 жуулчин иржээ Хууль бусаар худалдаалсан 189 сая төгрөгийн үнэ бүхий малын эмийг хураан авч, тусгай зөшөөрлийг цуцалжээ Улс төрийн хилс хэрэгт хэлмэгдэгчдийг цагаатгах, тэдэнд нөхөх олговор олгох тухай хуульд нэмэлт, өөрчлөлт оруулах тухай хуулийн төсөл өргөн мэдүүлэв Монгол улс, БНСУ хоёр улс жолоодох эрхийг харилцан хүлээн зөвшөөрөх боломжтой боллоо Газрын тухай хуульд нэмэлт, өөрчлөлт оруулах тухай хуулийн төсөл өргөн мэдүүлжээ Улсын хэмжээнд 530.4 мянган га талбайд тариалалт хийгээд байна Өнөөдрөөс 18 нас хүрээгүй хүүхэд мопед, скүтер, суррон унахгүй Соёмботой уулыг сэргээн буджээ Манай улсад хувийн эрх зүйн хүрээнд дижитал хөрөнгийн эрх зүйн харилцааг зохицуулах шаардлага өндөр байна Төрийн албаны тусгай шалгалт өнөөдөр улсын хэмжээнд эхэллээ Улаанбаатарт +30 градус дулаан байна Эзэмшил, ашиглалтын газрын 50 метр хүртэлх талбайг угааж, өнгө үзэмжийг сайжруулан үүргээ хариуцлагатайгаар биелүүлэхийг уриаллаа

Даян дэлхийн ногоон хөгжлийн институтээс Монгол Улсад “Үндэсний тодорхойлсон хувь нэмрийг хэрэгжүүлэх болон уур амьсгалын өөрчлөлтийг орон нутгийн хөгжлийн төлөвлөлтөд тусгах институцийн болон техникийн чадавхыг бэхжүүлэх” төслийг хэрэгжүүлж байгаа билээ.

Уур амьсгалын ногоон сангийн санхүүжилттэй эл төслөөр орон нутгийн засаг захиргааны байгууллагуудын чадавхыг нэмэгдүүлж, 21 аймгийн түвшинд уур амьсгалын өөрчлөлтөд дасан зохицох, сааруулах үйл ажиллагааны төлөвлөгөөг боловсруулан хэрэгжүүлэхэд дэмжлэг үзүүлэх үндсэн зорилгыг агуулсан юм.

Төсөл хэрэгжүүлэгч Даян дэлхийн ногоон хөгжлийн институтээс зохион байгуулж буй Уур амьсгалын өөрчлөлт ба орон нутгийн төлөвлөлт үндэсний форум өнөөдөр эхэлж байна. Форумаар аймгуудын уур амьсгалын төлөвлөгөөний явцыг дүгнэн танилцуулж, аймаг бүсүүдийн хооронд туршлага солилцох, шилдэг жишээг түгээх зэрэг асуудлыг хэлэлцэж тодорхой үр дүнд хүрэхээр төлөвлөжээ.

Зохион байгуулагчид “Уг форум нь Монгол Улсад уур амьсгалын өөрчлөлттэй тэмцэх болон дасан зохицох бодлогыг орон нутгийн түвшинд амжилттай хэрэгжүүлэхэд чухал түлхэц үзүүлнэ. Мөн аймгуудын төлөвлөлт, хэрэгжилтийг институцчилж, хамтын ажиллагааг өргөжүүлэх стратегийн чухал алхам” гэж дүгнэж байгаа юм.

Форумд яам, агентлагууд, олон улсын байгууллага, элчин сайдын яам, суурин төлөөлөгчийн газраас болон 21 аймгийн төрийн байгууллагуудаас хөгжлийн бодлого төлөвлөлт, байгаль орчин, хөдөө аж ахуй, эрчим хүч, санхүү зэрэг холбогдох асуудал хариуцсан төлөөллүүд оролцож байна.

gggi_forum3

Анхаар! Уншигчдын бичсэн сэтгэгдэлд https://garts.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.