Төрийн албан хаагчийн буруутай үйл ажиллагааны улмаас иргэн, хуулийн этгээдүүд хохирч байна гэх мэдээлэл байсхийгээд л сонсогдох боллоо. Зарим хэвлэлд Төрийн орон сууцны корпорацийн Захиргаа удирдлагын хэлтсийн дарга Б.Батзаяагийн талаарх мэдээллийг баримттайгаар дэлгэжээ. 

Тодруулбал, ТОСК-ын Захиргаа удирдлагын хэлтсийн дарга Б.Батзаяа нь ерөнхий нягтлан бодогчийн үүрэг гүйцэтгэгч О.Мөнхтуяатай хамтран эрх мэдлээ урвуулан ашиглаад иргэдэд хүрэх ёстой байсан орон сууцийг өөрийн хамаарал бүхий хүмүүстээ сонгон шалгаруулалтгүйгээр гэрээ байгуулсныг дотоод аудтитын шалгалтаар тогтоосныг хэвлэл мэдээллийн хэрэгслүүд мэдээлж байна. 

Улмаар тухайн үеийн салбарын сайд Ц.Даваасүрэн зөрчил гаргасан албан тушаалтанд хариуцлага тооцож, хөтөлбөрт хамрагдах иргэдийн хүсэлтийг шийдвэрлэхдээ эрэмбэ дарааг хатуу баримтлан судалгаанд хамруулж, тэмдэглэл үйлдэн баталгаажуулж байх зэрэг таван зүйл заалт бүхий зөвлөмжийг хүргүүлж байсан гэх. Үүгээр зогсохгүй хэд хэдэн хууль зөрчсөн гэх үндэслэлээр АТГ-т өгч шалгуулж байсан ч өдий болтол ажлаа хийж байгаа нь түүний арыг бат хамгаалдаг Монгол Улсын Ерөнхийлөгч асан, Женко хэмээх Х.Баттулга гэх бор шувуу ч нисдэг аж.