Т.Даваадалай: Авто замын ус зайлуулах шугам хоолой руу барилгын компаниуд хөрсний усаа шахаж байна

Олон улсын стандартад нийцсэн анхны шүүхийн зориулалттай цогцолбор барилга Архангай аймагт ашиглалтад орлоо "1072 хувьцаа" нээлттэй өдөрлөг Дархан, Орхон, Сэлэнгэ аймагт зохион байгуулагдана Онцгой байдлын алба хаагчид 5 иргэнийг авран хамгаалж, 27 иргэнийг утаажилтын бүсээс гаргалаа Монгол Улсын Ерөнхий сайд Н.Учрал Япон Улсад албан ёсны айлчлал хийнэ Нийтийн тээврийн зарим чиглэлд шинээр зогсоол нэмэгджээ Нийтийн тээврийн зарим чиглэлд шинээр зогсоол нэмэгджээ УИХ-ын дарга С.Бямбацогт: Парламентын үйл ажиллагааг олон нийтэд илүү ил тод, хүртээмжтэй болгоход залуусын оролцоо, шийдэл чухал ач холбогдолтой Ерөнхийлөгч У.Хүрэлсүх НҮБ-ын Ерөнхий нарийн бичгийн даргатай уулзлаа Нийслэлийн есөн дүүргийн 152 цэгт шинэ ургацын ногоо худалдаалж байна ОБЕГ: Эрдэм шижилгээний хуралд оролцохыг урьж байна Хууль зүй, дотоод хэргийн салбарын Нягтлан бодох бүтгэлийн нэгдсэн цахим системийг нэвтрүүллээ Т.Жамбалцэрэн: Монгол малчид дөрвөн улирлын онцлогт тохируулан бэлчээр сэлгэж, улирлын нүүдэл хийж ирсэн улалмжлалтай. Ингэснээр бэлчээрийг амрааж, хөрсийг нөхөн сэргээх боломж бүрддэг Нэгдсэн хүчээр илүү сайхан, энх амгалан дэлхий ертөнц бүтээхийг уриаллаа Улаанбаатарт оройдоо бага зэргийн бороо орно Өнөөдөр ихэнх нутгаар цаг агаар тогтуун, өдөртөө дулаан байна

Наймдугаар сарын 20-нд үргэлжлэн орсон борооны улмаас Хүннү 2222, Жапан таун орчимд “Авто зам дээр их хэмжээний ус тогтсон” гэсэн дуудлага мэдээллийн дагуу холбогдох албаныхан өчигдөр оройн 20:00 цагт ус зайлуулах системийн хэвийн ажиллагааг хангуулж ажиллалаа. Тухайн байршилд нийслэлийн Засаг даргын нэгдүгээр орлогч Т.Даваадалай, Геодези, усны барилга, байгууламжийн газрын дарга Б.Бямбасайхан нар ажилласан юм.

Геодези, усны барилга, байгууламжийн газрын дарга Б.Бямбасайхан “Улаанбаатар хотод тархмал байдалтай хур тунадас орж, өчигдөр Таван шар орчим, Хүннү 2222, Вокзал орчим, Сонгинохайрхан дүүргийн 32-р байрны орчимд ус тогтсон. Байршлуудыг хэвийн болгож ажилласан. Хүннү 2222-ын шугамын хувьд “Суруга Монгол” ХХК хийсэн авто замын борооны ус зайлуулах шугам. Хойноосоо “Хурд” хорооллын урд талын замаас шугамуудаа холбож авчраад худгууд гаргасан ч одоо энэ шугамд гаргалгаа хийх зайлшгүй шаардлагатай болсон. Энэ байршилд 2023 онд ус тогтдоггүй байсан. 2024 онд ус тогтож, хотын дарга Х.Нямбаатар байршил дээр нь ажиллахад 2-3 байгууллага тус шугамыг таслаад усаа шавхаж байсан нөхцөл байдал тогтоогдсон. 2026 онд уг байршилд гаргалгаа гаргахаар зураг төлөвлөсөн байгаа” гэв.

Нийслэлийн авто замын ус зайлуулах шугам хоолой руу барилгын компаниуд, ялангуяа шинээр баригдаж байгаа барилгууд хөрсний усаа шахах асуудал их гардаг. Үүний улмаас борооны ус зайлуулах шугам ачааллаа дийлэхгүй болох тохиолдлууд үүсдэг. Тиймээс анхнаас нь барилгуудыг борооны ус зайлуулах шугамаа шийдэж явах, уялдаатай холбоотой ажиллах хэрэгтэйг нийслэлийн Засаг даргын нэгдүгээр орлогч Т.Даваадалай хэллээ.

Нийслэлийн хэмжээнд Нарны гүүрний урд тал, Энхтайваны гүүрний дор, Ажилчдын гудамж, Саппоро зэрэг их хэмжээгээр ус тогтдог байсан 24 байршилд үе шаттай ус зайлуулах шугам угсарч байгаа. Энэ жил 10 гаруй байршилд шугам угсралтын ажлыг ирэх сарын 30-ны дотор дуусгахаар ажиллаж байна. Ирэх жил ус их ихээр тогтдог үлдсэн байршлуудын шугам угсралтын ажлыг дуусгана. Наймдугаар сарын 20-21-ний бороо орж байгаа өдрүүдэд нийслэл, дүүргийн Онцгой комиссын шуурхай штабт мэргэжлийн байгууллагуудын нийт 95 албан хаагч 24 цагаар үүрэг гүйцэтгэн ажиллаж байна.

Анхаар! Уншигчдын бичсэн сэтгэгдэлд https://garts.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.