Бодлогын үнэлгээний төлөвлөгөө боловсруулах сургалт-семинар эхэлжээ

У.Хүрэлсүх: Монгол Улс бэлчээр, нүүдлийн мал аж ахуйн салбарт дэлхийн хамтын ажиллагааны идэвхтэй төв байхыг зорьж байна АТГ-ын мөрдөгч “Secondment” хөтөлбөрийн хүрээнд БНСУ-ын Дээд Прокурорын газарт ажиллахаар болжээ Гандантэгчэнлин хийдээр аялаж явсан аялагчийн 2900 юань хулгайд алдагджээ Г.Жаргалсайхан: Нийслэлийн малчид хоршоо байгуулж, сүү, сүүн бүтээгдэхүүн үйлдвэрлэж байна Салбарт нь олон жил ужгирсан асуудлуудыг шийдэх, эрх зүйн шинэчлэл хийх боломжийг судлах үүрэг өглөө 1000 хүнийг ажлын байраар хангах төмөр замыг монголчууд өөрсдөө барьж байна “Цэмбэгэр Улаанбаатар” давалгаанд нэгдсэн залуус Сүхбаатарын талбайг угаалаа Наймдугаар сарын 17-28-ны өдрүүдэд богино эргэлтийн хоёр чиглэлд автобус үнэ төлбөргүй үйлчилнэ Улаанбаатарт бага зэргийн аадар бороо орно Газрын тосны үйлдвэрийн бүтээн байгуулалтыг дотоодын цэргүүд хамгаална Дэлхийн малчдын чуулга уулзалтын хүрээнд эмэгтэй малчдын тунхаглалыг хэлэлцэж байна ГИХГ-ын дарга Б.Энхсүх БНХАУ-ын Элчин сайдын яамны төлөөлөгчдийг хүлээн уулзав Засгийн газар аймгуудыг асуудлаа өөрсдөө шийдэх боломжийг нэмэгдүүлж, эрхзүйн саадыг арилгана Говийн бүс нутгийн баруун өмнөд хэсгээр +34 градус хүртэл хална МИАТ: Японд үүссэн хар салхины улмаас зарим нислэгийн хуваарьт өөрчлөлт орлоо

Засгийн газрын Хяналт хэрэгжүүлэх газраас ХБНГУ-ын Эдийн засгийн хамтын ажиллагаа, хөгжлийн яамны харъяа, хараат бус Хөгжлийн үнэлгээний байгуулагатай хамтран зохион байгуулж буй “Бодлогын үнэлгээний төлөвлөгөө боловсруулах үе шат” сэдэвт сургалт-семинар нээлтээ хийлээ.

Тус арга хэмжээнд ХБНГУ-ын Хөгжлийн үнэлгээний байгууллага (Deval)-ын үнэлгээчид Сабине Палмройтер, Дирк Хоффман болон Монгол Улсын Ерөнхийлөгчийн Тамгын газар, төрийн захиргааны төв байгууллагууд, НЗДТГ, Үндэсний статистикийн хорооны төлөөллүүд оролцож байна.

Сургалт-семинар нь Монгол Улсад хөгжлийн бодлогын үнэлгээний тогтолцоог бэхжүүлэх, олон улсын аргачлалд нийцүүлэх зорилготойгоор зохион байгуулагдаж байна. Энэ удаад Засгийн газрын 2025 оны 43 дугаар тогтоолоор шинээр баталсан “Үнэлгээ хийх журам”-ыг хэрэгжүүлэх эхний арга хэмжээ болж, төрийн албан хаагчид “суралцан-гүйцэтгэх” зарчмаар бодлогын үнэлгээ хийх дадлагад хамрагдаж байна.

Хоёр өдрийн турш үргэлжлэх сургалт-семинарын хүрээнд оролцогчид “Хүнсний хангамж ба аюулгүй байдал” чиглэлээр хэрэгжүүлсэн бодлогын үнэлгээний төлөвлөгөө боловсруулах, ажлын даалгаврыг оновчтой тодорхойлох арга барилыг суралцана. Энэ нь Монгол Улсад бодлогын хамтарсан үнэлгээ хийх олон улсын стандартыг анх удаа туршиж буй чухал алхам юм.

Нээлтийн үеэр зохион байгуулагч талууд хамтын ажиллагааг өргөжүүлж, сургалт-семинараас тодорхой бодит үр дүн гарна гэдэгт итгэлтэй байгаагаа илэрхийлэв.

Мөн ХБНГУ-ын Хөгжлийн үнэлгээний байгууллагаас дэлхийн үнэлгээний нийгэмлэгийг нэгтгэх, үнэлгээний арга барилыг шударга, тогтвортой ирээдүйд чиглүүлэх уриа бүхий бамбар (#EvalTorch)-ыг Засгийн газрын Хяналт Хэрэгжүүлэх газрын дарга Б.Батцэцэг хүлээн авлаа. Энэхүү бамбар нь “Олон улсын үнэлгээний жил”-ийн хүрээнд 2015 оноос эхэлсэн бөгөөд дэлхийн 70 гаруй оронд 92 арга хэмжээний хамт үнэлгээний салбарын хөгжлийг дэмжиж, шинэлэг санаа, дэвшилтэт технологийг нэвтрүүлэхийг уриалдаг аж.

Сургалт-семинарын үр дүнд Монгол Улсын бодлогын үнэлгээний тогтолцоо олон улсын стандарттай нийцэж, төрийн албан хаагчид бодлогын үнэлгээ хийх чадвараа дээшлүүлэх боломжтой болохыг зохион байгуулагчид онцлов.

Анхаар! Уншигчдын бичсэн сэтгэгдэлд https://garts.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.