Байгууллагын нэр: “МИАТ” ТӨХК

Ажиллах нэгж: Аюулгүй ажиллагаа, чанар, нислэгийн аюулгүй байдлын алба

Ажлын байрны нэр: Чанар баталгаажуулалт хариуцсан ахлах байцаагч

Гүйцэтгэх үндсэн үүрэг:

• Монгол Улсын иргэний нисэхийн тухай хууль, иргэний нисэхийн багц дүрэм болон Олон Улсын Агаарын Тээврийн Холбоо (IATA)-ны IOSA, ISAGO стандарт шаардлагын дагуу чанар баталгаажуулалтын хөтөлбөр боловсруулах, аудит, үзлэг шалгалт зохион байгуулах, тасралтгүй сайжруулалт хийх;
• “МИАТ” ТӨХК-ийн Чанарын бодлого болон чанарын үзүүлэлтүүдийн хэрэгжилтийг жил бүр шинэчлэн тодорхойлж, удирдлагын дүн шинжилгээний хурлаар хэлэлцүүлэн батлуулах;
• Албаны байцаагч нарын гүйцэтгэсэн аудит, үзлэг шалгалтын иж бүрдэл, стандарт шаардлагын нийцэл болон үр дүнтэй байдалд хяналт тавих, дагалдах аудит шаардлагатай эсэхийг тодорхойлох;
• Албаны байцаагч болон итгэмжлэгдсэн аудитор нарыг холбогдох зааврын дагуу жилд нэг удаа үнэлэх, үр дүнд суурилсан мэдлэг, ур чадварыг дээшлүүлэх сургалтын хөтөлбөр, төлөвлөгөө боловсруулах;
• Чанарын удирдлагын тогтолцооны (QMS) баримт бичгийг олон улсын стандарт, хууль тогтоомж, салбарын шилдэг туршлагад нийцүүлэн боловсруулж, тасралтгүй шинэчлэн сайжруулах, хэрэгжилт, хүчин төгөлдөр байдлыг хянах;
• Компанийн гаднын гэрээт үйлчилгээ үзүүлэгч байгууллагуудын хяналт болон гаднаас нийлүүлэх нислэг, үйлдвэрлэлийн аюулгүй байдалд шууд нөлөөлөх бараа, бүтээгдэхүүний чанарын хяналтыг холбогдох заавар, журамд тусгаж, хэрэгжилтэд хяналт тавих.

Боловсрол, мэргэжил:

• Инженер, эдийн засаг, менежментийн чиглэлээр бакалавр болон түүнээс дээш боловсролын зэрэгтэй.
• Иргэний нисэхийн чиглэлээр дээд боловсрол эзэмшсэн, Англи хэлнээс гадна хоёрдогч гадаад хэл эзэмшсэн бол давуу тал болно.

Мэргэшил:

Чанар баталгаажуулалтын чиглэлээр болон IATA-ийн, эсхүл эрх бүхий байгууллагын (SMS, QMS, SEMS гэх мэт) дараах сургалтуудад хамрагдан гэрчилгээжсэн бол давуу тал болно.

• Aviation internal auditor
• Aviation lead auditor
• Quality management system;
• Safety management system
• Safety risk management
• Root cause analysis
• Document control system

Ажлын туршлага:

• 5-аас доошгүй жил чанар баталгаажуулалт болон аюулгүй байдлын удирдлагын тогтолцооны чиглэлээр аудитор, эсхүл байцаагчаар ажилласан;
• Агаарын тээвэрлэгчийн нислэг үйлдвэрлэлийн үйл ажиллагааны чиглэлээр аудит шалгалт хийж байсан, аудитын баг ахлан ажиллаж байсан туршлагатай бол давуу тал болно.
• Тавигдах шаардлага:
• Англи хэлний TOEIC-ийн 700-аас дээш оноотой байх, эсхүл түүнтэй дүйцэхүйц Англи хэлний мэдлэгийн түвшинг тогтоосон гэрчилгээтэй байх;
• Хараат бус, бие даасан, үнэн зөв үнэлэлт, дүгнэлт гаргах, алдаа, дутагдлын эх үүсвэрийг гаргах чадвартай байх;
• Иргэний нисэхийн тухай хууль, Иргэний нисэхийн багц дүрмүүд болон аюулгүй байдлын тогтолцоо, MNS ISO 9001:2016, чанар баталгаажуулалт, нисэхийн аюулгүйн хамгаалалтын чиглэлээр зохих мэдлэгтэй;
• Байгууллагын хэмжээнд гарч буй өөрчлөлтийн хүрээнд “Change management”-ийг хэрэгжүүлэх чадвартай байх;
• Заавар, журмыг холбогдох хууль, дүрмийн нийцлийн дагуу хянаж, боловсруулах чадвартай байх;
• EASA, TCO, CAAM, FAA гэх мэт удирдах газруудтай “compliance”-ийн чиглэлээр ажиллах чадвартай байх;
• Байгууллагын хэмжээнд болон өөрийн хариуцсан чиглэлээр залруулах болон сайжруулах арга хэмжээг хянах, үр дүнтэй байдал, гүйцэтгэлд хяналт тавьж, эрсдэлд суурилсан арга барилаар ажиллах, дүгнэлт хийх чадвартай байх;
• Багаар ажиллах, хариуцлага хүлээх, ачаалал дааж ажиллах, цаг баримтлах, харилцааны эерэг хандлагатай, хувийн зохион байгуулалт сайтай байх;
• Ашиг сонирхол, ёс зүйн зөрчилгүй, аудитын хараат бус байдал болон нууцлалыг бүрэн хангаж ажилладаг байх;
• Өсөн дэвжих, өөрийгөө хөгжүүлэх, тогтвор суурьшилтай ажиллах хүсэлтэй байх.

Бүрдүүлэх материал:

• “МИАТ” ТӨХК-ийн ажилтны анкет; https://www.miat.com/download/miat-anket.pdf
• Боловсролын диплом, гэрчилгээний хуулбар;
• Англи хэлний онооны хуудас;
• Мэргэшүүлэх сургалтад хамрагдсан гэрчилгээ, сертификатын хуулбар;
• Өөрийн мэдлэг, ур чадвар, туршлагаа илэрхийлж, ажилд орохыг хүссэн өргөдөл; /гараар бичсэн/

Материал хүлээн авах:

Бүрдүүлсэн материалыг 2025 оны 10-р сарын 10-ны өдрийн 16.30 цаг дуустал “МИАТ” ТӨХК-ийн төв байрны Захиргаа, хүний нөөцийн хэлтэст /105 тоот/ хүлээн авна.

Хан-Уул дүүрэг, 21-р хороо, Буянт-Ухаа, “МИАТ” ТӨХК-ийн төв байр;

Харилцах утас: 70700044 /1052/ (Даваа-Баасан, 08:00-16:30)