ЗГХХГ: Төрийн өмчит компаниудад эрсдэлийн удирдлагын сайн туршлагыг нэвтрүүлэхэд дэмжиж ажиллана

Монгол Ардын намын дарга Н.Учралыг Ерөнхий сайдад нэр дэвшүүлжээ Г.Занданшатар: Би явж болно, Монгол төр зогсох ёсгүй ЦУОШГ: Цаг агаарт зориудаар нөлөөлж, хур тунадас нэмэгдүүлэх үйл ажиллагаа эхэллээ ГССҮТ-д цус, цусан бүтээгдэхүүнийг дроноор тээвэрлэн түргэн шуурхай хүргэжээ Ус бохирдуулсны төлбөр төлөхгүй бол “Оюу толгой” ХХК-д ус ашиглуулахгүй байх асуудлыг хөндөнө А.Баяр: Насанд хүрээгүй иргэн суррон унахыг бүрэн хориглоно Өнөөдөр зарлан мэдээллийн дуут дохио орон даяар 16:00 цагт дуугарна Н.Учрал: Улс төрийн тоглоом улс орны шоглоом болох учиргүй Ой хээрийн түймэр тавьсан хэргийг шүүхээр шийдвэрлүүлжээ Өнөөдөр ихэнх нутгаар цаг агаар тогтуун байна Зарим нутгаар нойтон цас орж, цасан шуурга шуурна Сүрьеэгийн эрт илрүүлгийг хиймэл оюун ухаанд суурилсан дижитал рентген, молекул оношилгооны технологиор өргөжүүлнэ Онцгой нөхцөл байдлын үед хариу арга хэмжээний санал боловсруулж Засгийн газрын хуралдаанд танилцуулахыг Ерөнхий сайд үүрэг болголоо Японы Засгийн газар байнгын оршин суух зөвшөөрөл авах шалгуурыг нэмэгдүүлнэ Улаанбаатарт 8 хэм дулаан байна

Монгол Улсын Засгийн газрын Хяналт хэрэгжүүлэх газар нь төрийн өмчит аж ахуйн нэгжүүдийн эрсдэлийн удирдлагын тогтолцоог сайжруулах, эрсдэлд суурилсан дотоод хяналт, аудитын үйл ажиллагааг боловсронгуй болгох зорилтын хүрээнд шат дараатай арга хэмжээг авч хэрэгжүүлсээр байна.

Энэ ажлын хүрээнд өнөөдөр (2025.09.29) “Эрдэнэс Монгол” ХХК-ийн Төлөөлөн удирдах зөвлөлийн дэргэдэх Дотоод аудитын газрын үйл ажиллагаатай танилцаж, туршлага солилцох уулзалтыг зохион байгууллаа.

Уулзалтаар тус компаниас нэгдлийн бүрэлдэхүүн компаниудынхаа эрсдэлийг бүртгэх, үнэлэх, удирдах зорилгоор хэрэгжүүлж буй “Эрсдэлийн мэдээллийн бүртгэл” нэгдсэн сангийн үйл ажиллагааг танилцуулж, эрсдэлд суурилсан дотоод аудитын төлөвлөгөөг хэрхэн боловсруулах арга туршлагаа хуваалцсан юм.

Мөн энэхүү систем нь байгууллагын үйл ажиллагаанд тулгарч болзошгүй эрсдэлийг илрүүлэх, ангилах, үнэлэх, бууруулах арга хэмжээг оновчтой төлөвлөх, удирдлагын шийдвэр гаргалтыг бодит мэдээлэлд тулгуурлан дэмжих чухал ач холбогдолтой болохыг онцлон тэмдэглэлээ.

Монгол Улсын Засгийн газрын 2024–2028 оны үйл ажиллагааны хөтөлбөрт эрсдэлийн удирдлагын тогтолцоог бэхжүүлэх чиглэлд дөрвөн зорилт тусгагдсан бөгөөд эдгээр зорилтын хэрэгжилтийг Засгийн газрын Хяналт хэрэгжүүлэх газар ханган ажиллаж байна хэмээн Засгийн Газрын Хяналт Хэрэгжүүлэх Газраас мэдээллээ.

Анхаар! Уншигчдын бичсэн сэтгэгдэлд https://garts.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.