Нийслэл, дүүргүүдийн хөрөнгө оруулалтын төлөвлөлтийг уялдуулах чиглэлээр ажиллаж байна

Канад Улстай Агаарын харилцааны хэлэлцээрийг байгуулна Өнөөдөр ихэнх нутгаар хална МИАТ ТӨХК 11 дэх удаагийн IOSA шалгалтад амжилттай шалгууллаа Энхтайваны гүүрний засварыг “Гоц тех инженеринг” ХХК гүйцэтгэж байна Прокурорын байгууллагаас хүрээлэн байгаа орчны эсрэг гэмт хэрэг, зөрчлөөс урьдчилан сэргийлэх, нийтийн ашиг сонирхлыг хамгаалах нөлөөллийн арга хэмжээг эхлүүлжээ Говийн бүсийн зөвлөлдөх уулзалт амжилттай болж дуусчээ “Unlock the mongolian economy” хуралдааны үеэр 545 сая ам.долларын хөрөнгө оруулалтын гэрээ, санамж бичгүүдэд гарын үсэг зуржээ МИАТ: СӨҮЛ - УЛААНБААТАР чиглэлд зорчих оюутнууддаа 1+1 тээшний урамшуулал зарлалаа Налайх дүүрэгт 79МВт-ын хүчин чадалтай шинэ дулааны станц барих төсөл эхэллээ Онцгой байдлын алба хаагчид 84 иргэний амь насыг авран хамгааллаа Монгол Улсын Үндсэн хуулийн цэцийн тухай болон Үндсэн хуулийн цэцэд маргаан хянан шийдвэрлэх тухай хуулийн төслийг өргөн мэдүүлэв Нийслэлийн шилдэг менежменттэй, зөвлөгч сургууль, цэцэрлэгийг шалгаруулжээ Нийслэл хотод үдээс хойш дуу цахилгаантай бага зэргийн аадар бороо орно Хүрээ цам-Даншиг наадамд Монголын Бурханы Шашинтны Тэргүүн, Оройн дээд Очирдара Аравдугаар Богд Жэвзүндамба хутагт мориллоо Үндсэн хуулийн цэцийн даргаар Жуужаагийн Эрдэнэбулган сонгогджээ

Нийслэлийн 2026 оны төсвийн төслийг боловсруулахтай холбогдуулан нийслэлийн зүгээс дүүргүүдийн төсвийн хөрөнгө оруулалтын төлөвлөлтийг уялдуулах, мэдээлэл солилцох ажлыг зохион байгуулж байна.
Энэ хүрээнд НЗДТГ-ын Санхүү, хөрөнгө оруулалтын газрын дарга Л.Эрдэнэбадрах, Хөрөнгө оруулалтын хэлтсийн дарга Б.Гантулга нар өнөөдөр Баянгол, Хан- Уул дүүрэгт ажиллаж, ирэх оны хөрөнгө оруулалтын хөтөлбөр, хэрэгжүүлэх төсөл, арга хэмжээг нийслэлийн ерөнхий бодлого, хөгжлийн зорилттой нийцүүлэх талаар санал солилцлоо. Тус ажлын зорилго нь нийслэл, дүүргийн түвшинд хэрэгжих хөрөнгө оруулалтыг давхардалгүй, үр дүнтэй төлөвлөх, иргэдийн хэрэгцээ шаардлагад нийцсэн бодит төслүүдийг санхүүжүүлэхэд оршиж буй.

Уулзалтын эхэнд Баянгол дүүрэгт 2026 онд дүүргийн Төсвийн хөрөнгө оруулалтаар хийхээр төлөвлөсөн ажлын талаар мэдээлэл өглөө. Тухайлбал, ирэх онд

19-р хороонд гарааш буулгаж, чөлөөлсөн талбайд 150 ортой Хүүхдийн эмнэлэг барихаар зураг төсвийг боловсруулсан,
26-р хороо, “Нарны хороолол”-д 640 хүүхдийн суудалтай 141-р сургуулийн өргөтгөлийн барилга барихаар зураг төсвийг боловсруулсан /газрын зөвшөөрөлтэй/,
26-р хороо, “Нарны хороолол”-д 360 ортой 100-р цэцэрлэгийн өргөтгөлийн барилга барихаар зураг төсвийг боловсруулсан /газрын зөвшөөрөлтэй/,
3, 4-р хороолол буюу Энэбиш, Ард-Аюушийн өргөн чөлөөний 2,5км явган зам дагуух тохижилтын ажил хийхээр төлөвлөсөн,
22-р хороо, Баянгол өндөрлөгийн 12 га талбайд тохижилт хийхээр төлөвлөсөн /нийт 65 айлын нэгж талбар чөлөөлнө/
Дүүргийн 20 байршилд авто зам шинэчлэх ажил хийхээр төлөвлөсөн,
Нийтийн эзэмшлийн 26 байрны фасад дулаалга, 25 байрны дээвэр засахаар төлөвлөсөн болон
Боловсролын салбар /сургууль, цэцэрлэг/-т хийхээр төлөвлөсөн ажлын талаар танилцууллаа.

Энэ үеэр Нийслэлийн ЗДТГ-ын Санхүү, хөрөнгө оруулалтын газрын дарга Л.Эрдэнэбадрах “Энэ уулзалт ирэх оны хөрөнгө оруулалтын хөтөлбөр, хэрэгжүүлэх төсөл, арга хэмжээг нийслэлийн ерөнхий бодлого, хөгжлийн зорилттой нийцүүлэх зорилготой. Ингэснээр нийслэл, дүүргийн түвшинд хэрэгжих хөрөнгө оруулалтыг давхардалгүй, үр дүнтэй төлөвлөх, иргэдийн хэрэгцээ шаардлагад нийцсэн бодит төслүүдийг санхүүжүүлэх юм. 141 дүгээр сургуулийн өргөтгөлийн барилгын тухайд хөрөнгө санхүүг нь ирэх оны нийслэлийн төсөвт суугдахаар яригдсан. Бусад ажлыг хотын даргад танилцуулна” гэдгийг онцоллоо.

Анхаар! Уншигчдын бичсэн сэтгэгдэлд https://garts.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.