Эдийн засгийн байнгын хороо: Төмөр замын салбарт авилгач хүн ажиллах ёстой юу?

Цөлжилтийг эдийн засгийн боломж болгох соргог ухаан Монголд хэрэгтэй байна COP17: Дэд хороодын ажлын уялдааг сайжруулж, эрчимжүүлэх үүрэг өглөө “Оюутолгой” ХХК-д ногдуулсан төлбөр төлөх асуудлыг эцэслэн шийдвэрлэлээ Ихэнх нутгаар хуурайшилт нэмэгдэх тул болзошгүй гал түймрийн аюулаас сэрэмжтэй байхыг анхаарууллаа ХЗДХ-ийн сайд С.Амарсайхан “Ухаарахуй, Урлахуй-2” хүмүүжигч нарын уран зураг, гар урлалын бүтээлийн үзэсгэлэнгээр зочиллоо “Цахим шүүх 2.0” системийн хөгжүүлэлтийн явцтай танилцжээ Зам, тээврийн яам, НҮБ‑ын Хөгжлийн Хөтөлбөр хамтран “Цахилгаан автомашин эзэмшигчийн судалгаа”-г хийж байна Хан-Уул дүүргийн 22 дугаар хороо, Зайсан орчимд хоёр байршилд нийт 1.9 км авто зам барина Зам, тээврийн сайд Б.Дэлгэрсайхан Олон Улсын Тээврийн Форумын сайд нарын зөвлөлийн хуралд оролцож байна БОУАӨ-ийн сайд Ц.Сандаг-Очир: Төрийн үйлчилгээ иргэддээ илүү нээлттэй, ойр байх ёстой “NO BRAND” дэлгүүр Монголд нэвтрэх мастер франчайзын гэрээнд гарын үсэг зурлаа Улсын нэгдүгээр төв эмнэлэг олон улсын стандарт ISO/IEC 27001:2022 нэвтрүүллээ Бизнес эрхлэх болон хөрөнгө оруулалтын орчныг сайжруулж, хүнд суртлаас чөлөөлж ажиллахаа Ерөнхий сайд Н.Учрал мэдэгдлээ “POWER EXPO & FESTIVAL” олон улсын наадам 14 дэх жилдээ зохион байгуулагдана Цахим мөрийтэй тоглоом зохион байгуулдаг 2 бүлгийн 23 этгээдийг баривчилж, 3.8 тэрбум төгрөгийн үнэлгээ бүхий эд зүйлийг битүүмжилжээ

Эдийн засгийн байнгын хорооны хуралдаанаар Төмөр замын тээврийн тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүдийн талаар хэлэлцлээ.

Хуулийн шинэчилсэн найруулгын төсөл нь 11 бүлэг 72 зүйлтэй бөгөөд төмөр замын дэд бүтцийн ангилал, бүтээн байгуулалт, дэд бүтцийн үйлчилгээ, төмөр замын тээврийн зориулалтын газрууд, сүлжээ байгуулахад баримтлах зарчим зэрэг зохицуулалтыг тусгасан. Уг хуулийн төсөл батлагдсанаар төмөр замын тээвэрт төрийн бодлогын нэгдмэл уялдааг хангах, тээврийн сүлжээг өргөжүүлэн, дэд бүтэц, эзэмшил ашиглалтын эрх зүйн орчин сайжирна гэж Зам тээвэр хөгжлийн сайд Л.Халтар мэдээллээ.

Ингээд гишүүд асуулт асууж, хариулт авав.

УИХ-ын гишүүн Б.Энхбаяр: Монгол, Оросын 50, 50 хувийн эзэмшилтэй Улаанбаатар төмөр зам гэсэн компани 1949 оны гэрээгээр үйл ажиллагаа явуулж байна. Энэ компанид Монгол Улсын Үндсэн хууль үйлчилдэггүй. Үндсэн хуульд Монгол Улсын газрыг гадаадын иргэн хуулийн этгээд хугацаатай, төлбөртэйгөөр ашиглана гэж заасан. 1949 оны гэрээ хууль зөрчсөн. Энэ хэзээ засагдах вэ? Монополь, Үндсэн хуулиас дээгүүр аашилдаг компани байж болохгүй. 2018 онд тухайн үед зам тээврийн дэд сайд байсан Б.Цогтгэрэл гэж хүн ОХУ-тай тарифын хэлэлцээр байгуулсан. Энэ нь 25 жилийн хугацаатай мөрдөх хэлэлцээр байсан. 1949 оны гэрээг өөрчлөхгүй. Өөрчилбөл тарифын хэлэлцээр хүчингүй болно гэдэг заалт оруулсан гэх мэдээлэл байна. Үндсэн хуулиас давсан гэрээ байгуулах эрхтэй дэд сайд байж болох уу? Үүнийхээ хариуд ашиглах хугацаа нь дууссан 1,000 вагон оруулж ирсэн гэх асуудал яригдаж байгаа. Хэчнээн вагон орж ирсэн бэ. Албан тушаал авилгын гэмт хэргээр ял шийтгэгдсэн этгээд төрийн албанд ажиллахгүй гэж хуульд заасан. Эрүүгийн ял авсан хүн одоо болтол төмөр замын салбарт даргаар ажиллаж байна.Танай салбарт авилгач хүн ажиллах ёстой юу?

Зам, Тээврийн Хөгжлийн Сайд Л.Халтар: Төмөр зам гэхээр Улаанбаатар төмөр замаа хараад байдаг ойлголт бид нарт байна. Говийн бүсийн төмөр замууд бий болж байна. Удахгүй 2021 онд ашиглалтад орно. 25 жилийн хугацаатай байгуулсан тухайн гэрээн дээр 1949 оны хэлэлцээрийг мөрдөж ажиллана гэдэг үг орсон юм билээ. Түүнээс тухайн хэлэлцээрийг өөрчлөхгүй гэсэн зүйл яригдаагүй. Гадаад яаман дээр дээр 1949 оны хэлэлцээрийг өөрчлөөд ОХУ-ын талд өгсөн. ОХУ-ын талаас хараахан энэ асуудлыг яриагүй байна. Засгийн газрын комиссын хурал болгон дээр үүнийг ярьдаг. Төмөр замыг барих үед Монголын талаас оруулсан ганц зүйл бол газар. Улаанбаатар төмөр замыг байгуулах тухай 1949 оны хэлэлцээрт Монгол Улсын хуульд захирагдана гэсэн нэг тодорхой заалт бий. Тухайн хүмүүсийг өмнө нь ямар байсныг мөрдөгч биш болохоор сайн мэдэхгүй байна. Ажилд авахдаа АТГ-аас лавлагааг нь авдаг. Ёс зүйн хорооныхонд чиглэл өгсөн

УИХ-ын гишүүн Х.Ганхуяг: Тавантолгой-Зүүнбаянгийн барилгын ажил яагаад төрийн нууцад хамаардаг юм бэ? Өнөөдрийг хүртэл энд ямар хэмжээний мөнгө орсон бэ? Өнөөдөр яагаад төмөр замаас Улаанбаатар-Төмөр замд түрээслэнэ гээд явж байна вэ? Цаашдаа Тавантолгой-Зүүнбаянгийн төмөр замыг барихад хэчнээн хэмжээний мөнгө орох вэ?

Зам, Тээврийн хөгжлийн сайд Л.Халтар: Улаанбаатар хотод байгаа Төмөр замын байгууллагуудын оршиж байгаа газрын гэрчилгээг Нийслэл хотоос өгсөн. Үүнд Улаанбаатар-Төмөр замаас хүсэлт тавьсан. Газрын төлбөр бусад байгууллагууд ямар байдаг уу яг тэр хэмжээгээр төлж байгаа. Дуудлага худалдаагаар аваагүй. Тавантолгой-Зүүнбаян яагаад төрийн нууцад орсныг шаардлагатай гэвэл танд тусад нь өгье. Нийтийн өмнө үүнийг яриад байж болохгүй байна.

УИХ-ын гишүүн Б.Энх-Амгалан: Төмөр замын тээврийн тухай хуулийн шинэчилсэн найруулгын төсөл өмнөх ЗГ-ын үед өргөн баригдсан юм. Одоо мөрдөгдөж байгаа хууль нь бол төмөр замын харилцаанд үүсээд байгаа давхардал, зөрчил, хийдэлийг иж бүрнээр нь зохицуулж чадахгүй байгаа. Төмөр замын дагуух газрын асуудал байна. Төмөр замын 70 жилийн ойгоор газрын асуудлуудыг шийдээд дууссан. Төмөр замын акцизын асуудлыг УИХ-аар оруулаад шийдээд дуусчихан. Төмөр замын Монпи-1,2 гээд асуудлыг айлчлалын өмнө шийдээд дуусчихсан. Монгол Улс Төмөр замын өрийг өөр дээрээ аваад тэгээд үндсэн хөрөнгийг нь нэмэгдүүлсэн. Ийм учраас Монголын талаас хийх ажил хийгдээд дууссан. Одоо үндсэн хөрөнгө нэмэгдэх юм бол Төмөр замын баланс цэвэрлэгдээд өөрөө эргэлтийг хангаад зээл аваад явах боломж бүрдэх юм. ОХУ-ын талаас манайд хөрөнгө оруулалт хийх ёстой буюу зөрүүг нь төлөх ёстой 50*50 учраас. Энэ ажил хир хийгдэж байна вэ?

Зам, Тээврийн хөгжлийн сайд Л.Халтар: Акцизын асуудал таны үед үндсэндээ бүрэн шийдэгдээд дууссан. Монпи-1,2-ын хувьд ОХУ-аас ирсэн саналуудыг Сангийн яаманд өгөөд эцсийн хариуг хүлээгээд сууж байна.

Анхаар! Уншигчдын бичсэн сэтгэгдэлд https://garts.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.