Тээвэр, ложистикийн стратегийн ач холбогдолтой замуудад Европын сэргээн босголт хөгжлийн банктай хамтарна

Олон улсын стандартад нийцсэн анхны шүүхийн зориулалттай цогцолбор барилга Архангай аймагт ашиглалтад орлоо "1072 хувьцаа" нээлттэй өдөрлөг Дархан, Орхон, Сэлэнгэ аймагт зохион байгуулагдана Онцгой байдлын алба хаагчид 5 иргэнийг авран хамгаалж, 27 иргэнийг утаажилтын бүсээс гаргалаа Монгол Улсын Ерөнхий сайд Н.Учрал Япон Улсад албан ёсны айлчлал хийнэ Нийтийн тээврийн зарим чиглэлд шинээр зогсоол нэмэгджээ Нийтийн тээврийн зарим чиглэлд шинээр зогсоол нэмэгджээ УИХ-ын дарга С.Бямбацогт: Парламентын үйл ажиллагааг олон нийтэд илүү ил тод, хүртээмжтэй болгоход залуусын оролцоо, шийдэл чухал ач холбогдолтой Ерөнхийлөгч У.Хүрэлсүх НҮБ-ын Ерөнхий нарийн бичгийн даргатай уулзлаа Нийслэлийн есөн дүүргийн 152 цэгт шинэ ургацын ногоо худалдаалж байна ОБЕГ: Эрдэм шижилгээний хуралд оролцохыг урьж байна Хууль зүй, дотоод хэргийн салбарын Нягтлан бодох бүтгэлийн нэгдсэн цахим системийг нэвтрүүллээ Т.Жамбалцэрэн: Монгол малчид дөрвөн улирлын онцлогт тохируулан бэлчээр сэлгэж, улирлын нүүдэл хийж ирсэн улалмжлалтай. Ингэснээр бэлчээрийг амрааж, хөрсийг нөхөн сэргээх боломж бүрддэг Нэгдсэн хүчээр илүү сайхан, энх амгалан дэлхий ертөнц бүтээхийг уриаллаа Улаанбаатарт оройдоо бага зэргийн бороо орно Өнөөдөр ихэнх нутгаар цаг агаар тогтуун, өдөртөө дулаан байна

Зам, тээврийн яамны Төрийн нарийн бичгийн дарга М.Баярмагнай Европын сэргээн босголт хөгжлийн банк (ЕСБХБ)-ны Төв Ази, Монгол Улсыг хариуцсан бүсийн захирал Хусейн Озхан тэргүүтэй төлөөлөгчдийг өнөөдөр /2026.09.15/ хүлээн авч уулзлаа.

Уулзалтын эхэнд Төрийн нарийн бичгийн дарга М.Баярмагнай ЕСБХБ нь Монгол Улсад анх 2006 онд үйл ажиллагаа явуулж эхэлснээс хойш манай улсын эдийн засгийн олон салбарт хөрөнгө оруулалт, төслийн санхүүжилт, техникийн туслалцаа үзүүлж, Монгол Улсын тогтвортой хөгжилд чухал хувь нэмэр оруулж ирсэнд талархал илэрхийлэв.

Үргэлжлүүлэн, энэхүү уулзалт Монгол Улсын 2026 оны төсвийн тодотгол, 2027 оны төсвийн төслийг УИХ-д өргөн мэдүүлж, хэлэлцүүлэх гэж буй чухал цаг үетэй давхцаж байгаад баяртай байгаагаа хэлээд хамтран ажиллахаар тохирсон Чойр–Хөшигийн хөндий чиглэлийн авто замыг 4 эгнээ болгон өргөтгөн шинэчлэх төслийн талаар дэлгэрэнгүй ярилцлаа.

Тэрбээр “Энэхүү төсөл нь Монгол Улсын босоо тэнхлэгийн тээврийн коридорыг өргөжүүлэх, Хөшигийн хөндийд хөгжүүлж буй тээвэр, логистикийн төвтэй холбогдох стратегийн ач холбогдолтой төсөл юм. ЕСБХБ уг төсөл дээр хамтран ажиллаж техник, эдийн засгийн үндэслэл, эдийн засаг, байгаль орчин, нийгмийн нөлөөллийн үнэлгээ болон бусад бэлтгэл ажлыг хурдан шуурхай эхлүүлэхийг хүсэж байна.

Одоогоор бид мандатын бичгийг шуурхайлах талаар Сангийн яамтай хамтран ажиллаж байна. Хоёрдугаарт, өнгөрсөн удаагийн уулзалтаар манай яамнаас Увс аймгийн Улаангом сумаас Тэс, Малчин, Хяргас, Зүүнговь, Цагаанхайрхан, Баруунтуруун сумдыг холбох 164.5 км хатуу хучилттай авто замын төслийг ЕСБХБ-тай хамтран хэрэгжүүлэх санал тавьсан. Энэ авто замын зураг төсөл боловсруулагдсан бөгөөд төслийг гадаадын зээл тусламжаар гүйцэтгэх саналаа Монгол Улсын өрийн удирдлагын тухай хуулийн дагуу Сангийн яаманд тавьсан байгаа” гэлээ.

Хариуд нь ЕСБХБ-ны зүгээс хэрэв Сангийн яам зөвшөөрвөл дээрх хоёр төсөлд банкны зүгээс хамтран ажиллахад татгалзах зүйлгүй гэдгээ илэрхийлээд, мөн Улаанбаатар-Лүн чиглэлийн 101.7 км замыг 4 эгнээ болгон өргөтгөх төслийг төр, хувийн хэвшлийн түншлэлээр барих нь илүү тохиромжтой гэж үзэж буйгаа илэрхийллээ. Мөн Казахстан улсад төр, хувийн хэвшлийн түншлэлээр баригдсан авто зам байгаа бөгөөд хэрвээ хүсвэл тухайн замыг үзэж, туршлага солилцох боломжтой гэдгийг хэллээ.

Эх сурвалж: ЗТЯ

Анхаар! Уншигчдын бичсэн сэтгэгдэлд https://garts.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.