“Эрдэнэс Монгол” компанийн дэд захиралд УИХ-ын Тамгын газрын ерөнхий нарийн бичгийн дарга асан Ц.Цолмон, УИХ-ын гишүүн асан Л.Энхболд, “Мон лаа” компанийн Л.Хосбаяр нарыг томилуулахаар Авлигатай тэмцэх газар луу ашиг сонирхлын зөрчилтэй эсэхийг нягтлуулахаар бичиг хүргүүлээд буй.

УИХ-ын гишүүн Г.Амартүвшин твиттер хуудсаараа дамжуулан Ц.Цолмонг “Эрдэнэс Монгол” компанийн дэд захирлаар томилохыг эсэргүүцэж “Энэ одоо манай намтай өрсөлдөж, ХУД-ийн 29-р тойрогт намын бодлого сөрж, бие даан нэр дэвшсэн Цолмон гэж нөхөр ийм албан тушаалд томилогдож байгаа юм уу. Миний эсрэг сошиалаар баахан сэвж дийлээгүй байж, одоо намын залуучуудын очих ёстой томилгоо дээр албан тушаал хүртэж байгааг хараад гайхаж сууна. Арай ч дээ” гэсэн юм.

Харин “Эрдэнэс Монгол” компанийн захирал Д.Хаянхярваа “Би Г.Амартүвшин  гишүүнийг ийм ядуу сэтгэдэг гэж даан ч бодсонгүй. Боловсролыг үнэлдэг хүн гэж ойлгож байсан алдаа байжээ. Ядмаг сэтгэлгээнээсээ сал дүү минь гэж зөвлөх байна” хэмээн хариу барив.

Улмаар жиргээчид ч дуугүй суусангүй, байр сууриа илэрхийлж байна.