Д.Сүндийгийн эхнэр Н.Ундрах: Миний нэхэл хатуу! Гомдол минь надтай л цуг энэхүү нарт ертөнцөөс хамдаа одно

Ардчилсан нам намынхаа даргаар хэнийг сонгох вэ гэдэг асуудал ид яригдаж байна. Улс төрийн энэ томоохон үйл явдлын зэрэгцээгээр АН-ын зарим дүүргийн намын дарга нарыг сольж, шинээр сонгох асуудал хөндөгдөж эхлэв. Тухайлбал, Чингэлтэй дүүргийн АН-ын даргад “Нэткапитал” банк бусын үүсгэн байгуулагч “Сахигтун Үндсэн хуулийн 19” эвслээс УИХ-ын сонгуульд нэр дэвшиж байсан Д.Сүндий гэгч дүүргийн намын дарга болохоор яригдаж байгаа хүмүүсийн дунд нэр нь явж байна. Хачирхалтай нь түүний эхнэр болох Н.Ундрах Чингэлтэй дүүргийн АЭХ-ны дарга бөгөөд бас л дүүргийн намын дарга болохоор идэвхийлэн намын гишүүдтэйгээ уулзаж саналыг нь татах ажиллагаа хийж байгаа гэнэ. Ардчилсан нам шалдаа бууж нэгэн гэр бүлийн хармаанд орох болтлоо доошилсон нь эндээс харагдаж байна.

Чингэлтэй дүүргийн намын даргад өрсөлдөгчид цөөнгүй байгаа бөгөөд юутай ч намын даргын суудлын төлөө эхнэр, нөхөр хоёр хооронд гэр бүлийн хүчирхийллийн асуудал бас л яригдав.

Юутай ч Н.Ундрах нь өөрийн сошиал хуудаснаа хүчирхийлэлд өртөж байсан тухайгаа зүрх зүсэм дараах мөртийг дахиад л бичжээ. Хүмүүс доор нь коммент бичиж байсан бөгөөд хэсэг хугацааны дараа энэхүү постоо устгажээ.

Уншигч танд нэмэлт тайлбаргүйгээр Н.Ундрахын олон нийтэд тарсан сошиал постыг оруулъя.  

Н.Ундрахын сошиал постыг хүргье...

Өнөөдөр би юунд маш ихээр харамсдаг вэ?

Бие болон сэтгэлийн хүчирхийлэлд өртөж ёс бус сэтгэлгээ, үйлдэлтэй эр эм хоёрын харилцааг тэвчиж суухдаа хамтарч босгосон амьдрал, компанидаа би харам байсан...

Хүүхэд шиг ээ хайрласан компаний минь ажилчид тэгэхэд намайг эмнэлэгт эргэж ирсэн үү? Мөнгөтэй эрийн талд орж нүүрээ буруулсан NC-чүүд өөрсдөөсөө ичээсэй!

Сонгуулийн ажилд нь хүчин зүтгэсэн Сүндий сангийнхан өөрсдөөсөө ичээсэй!

Хүчирхийлэгчийн эх, ах нар нь хүчирхийллийг хүлээн зөвшөөрч нуун далдалснаасаа, намайг зодуулж байхад хараад зогсож байсан тэр эмэгтэй өөрөөсөө ичээд ядаж нэнг хэлээд уучлал гуйгаасай!!! Юу болсныг мэдэхийн дээдээр мэдэх тэр эрийн дагавар охин ааваа та яаж чадаж байна аа гэж дугараагүйдээ ичээсэй!

Миний нэхэл хатуу !!! Гомдол минь надтай л цуг энэхүү нарт ертөнцөөс хамдаа одно!!!

Би эх оронд минь шударга шүүх тогтолцоо байгааг хармаар байна!

Худалдагдсан цагдаа, прокурор, шүүгч өмгөөлөгч нар өөрсдөө эхээс төрсөн байж л таараа. Охин үртэй, эх хүмүүс байж л таараа.

Шударгай үнэний талд зогсооч! Зөв байгаач! Үнэн хэзээд ялдаг гэдэгт би итгэдэг.

Дашрамд дурьдахад...

Нэткапитал ББСБ-ын эзэн Д.Сүндий нь гэргийгээ зоддог хүчирхийлэгч гэх баримтууд өнгөрөгч оны хавар цахим орчимд дэлгэгдэж, багагүй шуугиан дэгдээсэн. Эхнэр Н.Ундрах гуравдугаар сарын 25-ны өдөр ХУД-ын цагдаагийн 1-р хэсэгт өргөдөл гаргаж, тун удилгүй хэрэг нээгдэж, шалгагдаж эхэлсэн байдаг.

Улмаар Д.Сүндийгийн эхнэр Н.Ундрахын шүүх шинжилгээ нь дүгнэлтэд тархи доргисон, нүүр болон цээжний зөөлөн эдийн няцралттай гэсэн дүгнэлт гарч байсан.