ХӨСҮТ-ийн Тандалт, судалгааны албаны дарга А.Амбасэлмаа өнөөдөр болсон ЭМЯ-ны ээлжит хурлын үеэр сүүлийн 24 цагт хийгдсэн коронавирус илрүүлэх шинжилгээний хариуг танилцууллаа.

“Өчигдөр буюу арванхоёрдугаар сарын 16-ны өдөр улсын хэмжээнд 10,599 хүнд шинжилгээ хийхэд таван хүнээс коронавирус илэрлээ. Эдгээрийн гурав нь батлагдсан тохиолдлын 2-3 дахь давтан шинжилгээгээр халдвар илэрсэн. Харин нөгөө хоёр хүн нь Баянзүрх дүүргийн эмнэлэгт хэвтэн эмчлүүлж байсан хүмүүс байна. Эмнэлэгт хэвтэх үедээ түргэвчилсэн шинжилгээ сөрөг гарч байсан ч 4-5 дахь шинжилгээгээр коронавирус илэрсэн. Тэгэхээр нууц үедээ эмнэлэгт хэвтсэн байна. Коронавируст халдварын дэгдэлтийн дараагаар эх уурхай нь тодорхойгүй өвчлөл энд тэндээс өвчлөл гарах тохиолдлууд байдаг.Бид ойрын хавьтал болох 69 хүнийг тогтоож, тусгаарласан. Нийт 171 хүнд урьдчилсан PCR шинжилгээг хийсэн. Мөн хоёрдогч хавьтал болох 200 орчим хүнд шинжилгээг хийнэ. Covid-19-ийн халдвар энд тэндээс алаг цоог хэлбэрээр гарах магадлалтай байна. гэлээ.