Ардчилсан намын бүлгийн өнөөдрийн хуралдаанаар хэд хэдэн уулийн төслийг дэмжсэн байна. Тухайлбал Аж ахуйн нэгжийн орлогын албан татвараас хөнгөлөх, чөлөөлөх тухай хуульд өөрчлөлт оруулах тухай, Татварын алданги, торгууль болон Нийгмийн даатгалын шимтгэл төлөгчийг торгох, алдангиас чөлөөлөх тухай хуулийн төслүүд, Шүүгчийн эрх зүйн байдлын тухай хуульд өөрчлөлт оруулах тухай хуулийн төслийг хэлэлцэж зарчмын хувьд дэмжлээ. Мөн Коронавируст халдвар /КОВИД-19/-ын цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах тухай хуульд нэмэлт, өөрчлөлт оруулах тухай хуулийн төсөл, Ажиллах хүчний шилжилт хөдөлгөөний тухай хуулийн шинэчилсэн найруулгын төслийг ч дэмжсэн байна. 

Бүлгийн хуралдаанаар хэлэлцсэн асуудлын талаар УИХ дахь АН-ын бүлгийн дарга Д.Ганбат "Засгийн газраас цахилгаан, дулаан, хог, усны мөнгийг төрөөс даах болсонтой холбоотойгоор дагалдах журам гарсан. Тооцоо судалгаагүй шийдвэр гаргаж, дараа нь иргэдийг буруутгадаг байдал газар авлаа. Угаас цахилгаан эрчим хүчний хэрэглээ, нийлүүлэлт дутмаг байсан. Иргэд нохойны үүрээ халааж байна гэж байна. Ийм зүйл байхгүй. Иргэдийн хэрэглээ бага, угаас цахилгааны хангамж тал дээр анхаарал хандуулах ёстой. Мөн Вакцинжуулах ажлыг ахалж байгаа хүн нь Сангийн сайд байх нь тохиромжгүй. Бусад улс оронд Эрүүл мэндийн сайд эсвэл Ерөнхий сайд нь энэ ажлыг хариуцаж түргэн шуурхай ажиллаж байгаа тул ирэх долоо хоногт энэ асуудлаар дахин мэдээлэл авна.  Эрх мэдэл, бяр байхад ухаан хэрэггүй мэтээр аашилж байгаа учраас эрдэмтэн судлаачдын үгийг сонсож байх хэрэгтэй гэлээ. Өнгөрсөн арван сарын хугацаанд УОК, Засгийн газар хэдэн хар эрээн хувцас бэлтгэснээс өөр онц хийсэн зүйлгүй байгаан дээр энэ нөхцөлд иргэдийн эрхийг зөрчсөн шийдвэрүүдийг гаргаж байна