Энэ талаар Нийслэлийн Засаг даргын орлогч Ж.Сандагсүрэн "Хүнсний худалдааг 07:00-22:00 цаг хүртэл явуулах захирамж гаргалаа. Нийтийн тээвэрт халдвар хамгааллын горимыг баримтлуулж, цагийн хуваарь энгийн горимоор явна. Мөн 18-аас доош градустай спиртийн агууламжтай согтууруулах ундаа борлуулах эрх хүнсний дэлгүүр, худалдааны төвд хэвийн байгаа. Согтууруулах ундаанаас үүдэлтэй сөрөг үр дагавар гарч байгаа учир цагдаагийн байгууллагатай ярилцаж байна. Одоогоор хориглосон зүйл байхгүй.

 

Бүх нийтийн бэлэн байдалд шилжсэн үеп такси үйлчилгээ үзүүлэх бөгөөд таксины жолооч нар зорчигчоос тусгаарлах кабинаар хамгаалагдан үйлчилгээнд явна гэлээ. Мөн хүний бөөгнөрөл үүсгэхгүйн тулд нэг автобусанд 12-15 хүн суулгах зохицуулалт хийх юм. 

Өнгөрсөн хугацаанд гар дээрээс архи, согтууруулах төрлийн ундаа худалдсан 430 зөрчлийг илрүүлжээ. Үүнээс 138 иргэнд торгуулийн арга хэмжээ авч, 68 иргэнийг баривчилсан бол 175 зөрчлийг одоо шалгаж байна хэмээн Нийслэлийн Цагдаагийн газраас мэдээллээ.