Өнгөрсөн оны сүүлээр буюу 2020 оны 12-р сарын 21 өдөр Өдөр тутмын сонинуудын “эрэн сурвалжлагч” нэгдлээс Ерөнхийлөгч Х.Баттулгын оффшор компаниудтай холбоотой баримтыг дэлгэсэн байна.

Эдгээр компаниуд нь бүгд Монгол Улсын хуулиар оффшор бүс гэж тодорхойлсон Сингапур улсад бүртгэлтэй.

Тухайлбал...

- Баттулгын Намуун, Сингапурын хятад Билли Лим хүү Деннис Лим нарын эзэмшдэг “Женко Холдинг Пи-Ти-И” компани.

- Монгол Улсын иргэн Батсүрэн Баттулга нь “Монсино транс Пи-Ти-И” компанийг Ерөнхийлөгч Х.Баттулгын “Женко Холдингс Пи-Ти-И” компанийн байранд 2018 онд Сингапурын оффшор бүсэд үүсгэн байгуулжээ.

- Х.Баттулгын дипломат паспорт хэд хэдэн компани байсан нь ил болсон. Түүний дипломат паспорт дээр нь “Эм-Си-Би Холдингс Пи-Ти-И”, “Финсланд” Пи-Ти-И, “Биз-Интегрэйшн” Пи-Ти-И зэрэг компани бүртгэлтэй байна.

- Х.Баттулга УИХ-ын гишүүн байхдаа Сингапурт “Атом Индастриз Энтерпрайз” Пи-Ти-И, “Ассет Профешионал Сервисес” Пт-Ти-И компанийг бас үүсгэн байгуулсан байна. Энэ бүгдээрээ оффшор компани юм гэсэн 3 цуврал нийтлэгджээ.

Гэвч эдгээр мэдээлэл цацагдсаны дараа Ерөнхийлөгч Х.Баттулга Сингапурт байгуулсан компаниа шинэ оны өмнөхөн татан буулгажээ гэсэн мэдээллийг IKON.MN сайт 2021 оны 1-р сарын 15-ны өдөр нийтэллээ.

Тус мэдээлэлд... Ерөнхийлөгч Х.Баттулга нь нэг сая сингапур долларын дүрмийн сантай “GENCO HOLDINGS PTE LTD” компанийг 2001 онд Сингапур улсад үүсгэн байгуулж, 50 хувийг нь эзэмшиж байжээ. Электроник тоног төхөөрөмжийн бөөний худалдаа эрхлэх зорилготой GENCO HOLDINGS компанийг 2020 оны арваннэгдүгээр сарын 9-ний өдөр татан буулгасан болохыг Сингапурын засгийн газрын эх сурвалж баталлаа.гэжээ.