Өнөөдөр Үндсэн хуулийн Цэцийн Дунд суудлын хуралдаанаар Ерөнхийлөгчийн сонгуулийн хуулийн зарим заалт Үндсэн хууль зөрчсөн эсэхийг хэлэлцэх товтой байсан. Гэвч өнөөдрийн хуралдаан тодорхойгүй хугацаагаар хойшилсон байна. 

Одоогоор дараагийн хуралдааны тов тодорхойгүй байгаа бөгөөд товыг жич зарлана хэмээн Цэцийн Хэвлэл, мэдээлэл, олон нийттэй харилцах албанаас мэдээллээ.

ҮХЦ-имйн Дунд суудлын хуралдааны бүрэлдэхүүнд Д.Солонго, Г.Баясгалан, Д.Одбаяр, Г.Туулхүү, Ц.Нанзаддорж нарын гишүүд хуралдахаар тогтсон байжээ. Харин УИХ-ын итгэмжилсэн төлөөлөгчөөр Н.Энхболд нар багтаж байна.

Дунд суудлын хуралдаан завсралсны дараа ҮХЦ-ийн гадна Ерөнхийлөгчийн зөвлөх Б.Гүнбилэг мэдээлэл өглөө.

Тэрээр... Би хуралдаанд оролцох хүсэлтээ албан бичгээр илэрхийлсэн. Гэвч ҮХЦ-ийн тамгын газраас хүлээж аваагүй байна. Дунд суудлын хуралдаанд оролцох хүсэлт өгсөн ч Бага суудлын хуралдаан болно гэх агуулгатай, өөр хариу өгсөн учрыг нь олохгүй байна. Өөрөөр хэлбэл Ерөнхийлөгчийн зүгээс хүн оролцуулахгүй, мөн маргагч талын өмгөөлөгчдийг оруулахгүй байгаа юм байна. ҮХЦ-ийн гишүүн Ц.Нанзаддорж уг хуралдаанд оролцохоос татгалзсан тул Дунд суудлын хуралдаан завсарлсан” гэв.

Эргэн сануулахад... Улсын Их Хурлаас 2020 оны арванхоёр дугаар сарын 24-ний өдөр баталсан Монгол Улсын Ерөнхийлөгчийн сонгуулийн тухай хуулийн 3 дугаар зүйлийн 3.1.2 дахь заалт, 5 дугаар зүйлийн 5.4, 5.6, 26 дугаар зүйлийн 26.2 дахь хэсэг Үндсэн хуулийн зарим заалтад нийцээгүй байна гэсэн гомдлыг нэр бүхий иргэд Монгол Улсын Үндсэн хуулийн цэцэд хандсан билээ.