“Сү-г барьж идэх нь” гарчигтай нийтлэл уншиж  байлаа. Тэрнээс хойш анзаарах нь ээ, муу л бол урд талын хар овоохой гэгчээр Сү.Батболд руу дайрах болжээ.  Хэсэг троллууд эздээсээ заавраа аваад  анаад сууж байдаг юм байна. Олон  улсын эрэн сурвалжлах сэтгүүлчдийн нэгдэл дэлхийн улс төр, бизнес, соёл урлагийнхан татварын таатай бүсэд компанитай, данстай талаар мэдээлэл хүргэв. Үүнд Монголын хоёр улстөрч нэрлэгдлээ гэж шуугив.  Нөгөөхийг нь хэн ч ярихгүй, Сү.Батболд гээд л дайрч байна. Гэтэл Сү.Батболдын талаархи ташаа ойлголтуудад хариулт өгсөн, харин ч гэм буруугүйг нь нотолсон байх юм. Нийгэм тэр чигээрээ өнгөц юманд ханддаг болсны жишээ энэ юм болов уу даа. Оффшор бүсэд олон зуун компанитай гэж сэвүүлээд байсан. Тийм юм байхгүйг нь нийтэлж. Харин улс төрд орохоосоо өмнөх бизнесийг нь онцолж, Англид байр худалдан аваад буцааж зарсан тухай л өгүүлжээ. Энэ нь Оффшорын хууль гараагүй байх үед болсон процесс болохоор Монголын энэ улстөрч  ямар нэг хууль бус юм хийгээгүй гэдгийг онцолсон байна.  Тэр байтугай Эрэн сурвалжлах сэтгүүлчдийн дэлхийн нэгдэл Сү.Батболдыг нэрийг цэвэрлэж өгсөн байна.  Олон тооны компани, хэдэн зуун сая долларын хөрөнгө нуусан мэтээр Монголд гүтгэж байсанд хариулт өгчээ. Гэтэл үүнийг аанай л буруугаар тайлбарлаад сэвээд эхэллээ.

Х.СҮХЭЭ