М.Ганбаатар: Энэ жил яндангийн тоо буюу хэрэглээ нэмэгдсэн. Түлшний чанарт өөрчлөлт ороогүй

У.Хүрэлсүх: Монгол Улс бэлчээр, нүүдлийн мал аж ахуйн салбарт дэлхийн хамтын ажиллагааны идэвхтэй төв байхыг зорьж байна АТГ-ын мөрдөгч “Secondment” хөтөлбөрийн хүрээнд БНСУ-ын Дээд Прокурорын газарт ажиллахаар болжээ Гандантэгчэнлин хийдээр аялаж явсан аялагчийн 2900 юань хулгайд алдагджээ Г.Жаргалсайхан: Нийслэлийн малчид хоршоо байгуулж, сүү, сүүн бүтээгдэхүүн үйлдвэрлэж байна Салбарт нь олон жил ужгирсан асуудлуудыг шийдэх, эрх зүйн шинэчлэл хийх боломжийг судлах үүрэг өглөө 1000 хүнийг ажлын байраар хангах төмөр замыг монголчууд өөрсдөө барьж байна “Цэмбэгэр Улаанбаатар” давалгаанд нэгдсэн залуус Сүхбаатарын талбайг угаалаа Наймдугаар сарын 17-28-ны өдрүүдэд богино эргэлтийн хоёр чиглэлд автобус үнэ төлбөргүй үйлчилнэ Улаанбаатарт бага зэргийн аадар бороо орно Газрын тосны үйлдвэрийн бүтээн байгуулалтыг дотоодын цэргүүд хамгаална Дэлхийн малчдын чуулга уулзалтын хүрээнд эмэгтэй малчдын тунхаглалыг хэлэлцэж байна ГИХГ-ын дарга Б.Энхсүх БНХАУ-ын Элчин сайдын яамны төлөөлөгчдийг хүлээн уулзав Засгийн газар аймгуудыг асуудлаа өөрсдөө шийдэх боломжийг нэмэгдүүлж, эрхзүйн саадыг арилгана Говийн бүс нутгийн баруун өмнөд хэсгээр +34 градус хүртэл хална МИАТ: Японд үүссэн хар салхины улмаас зарим нислэгийн хуваарьт өөрчлөлт орлоо

Манай улс сүүлийн 20 гаруй жил агаарын бохирдлыг бууруулахаар олон ч туршилт, ажил хийж их хэмжээний төсөв мөнгө зарцуулж ирсэн. “Тавантолгой түлш” ХХК сайжруулсан түлш үйлдвэрлэж эхэлсэн үеэс агаарын бохирдол эрс буурсан. 20 жилд чадаагүй ажлыг “Тавантолгой түлш” компанийн ажилтнууд хийж чадсан нь үнэн.

Сайжруулсан түлш хэрэглэж эхэлсэн өнгөрсөн 2020-2021 онд агаарын бохирдол эрс буурсан. Иргэд ч ам сайтай байлаа. Харин энэ жилийн хувьд агаарын бохирдол өмнөх жилтэй харьцуулахад ихэссэн байна гэх шүүмжлэл гараад байгаа.

Агаарын бохирдлын шалтгаан, бууруулахын тулд хийж буй ажлын явцын талаар “Тавантолгой түлш” ХХК-ийн захирал М.Ганбаатар “Улаан бал” нэвтрүүлэгт орж дэлгэрэнгүй ярилцлага өгчээ.

М.Ганбаатар даргын ярьж буйгаар “Агаарын бохирдол сүүлийн хоёр жилд харьцангүй буурсан. Энэ 2021-2022 оны өвлийн хувьд яндангийн тоо нэмэгдсэн буюу шилжин ирэгсдийн тоо нэмэгдсэнийг сайжруулсан түлш олгодог картын тооноос харж болно. 2020 онд 175 мянга өрх сайжруулсан түлш хэрэглэсэн гэх тоо гарсан бол энэ жил 250 мянган айл өрх хэрэглэж байна. Айл өрхийн тоо ингэж огцом нэмэгдсэнтэй холбоотойгоор “Тавантолгой түлш” компаниас ачаалал даацанд анхаарч хэрэглээг тасралтгүй хангахад голлон анхаарч ажиллаж байна. Өмнөх жилийн сайжруулсан түлшний технологи, утаа уугилт энэ жил өөрчлөгдсөн эсэх талаар хүмүүс их асууж байна. Сайжруулсан түлшний чанар яг өмнөх жилтэйгээ адил хэвээр байгаа. Цаашид сайжруулсан түлшний үйлдвэрлэлийн технологи, шинэчлэлийг түлхүү анхаарч бүтээгдэхүүн сайжруулалтад анхаарч ажиллана” гэх хариултыг өгчээ.

Манай улс сайжруулсан түлшний технологийн шинэчлэлийн зэрэгцээгээр гэр хороолын тоог цөөлөх, цахилгаан станцын тоог нэмэх гэх мэтээр зэрэгцсэн бодлогын ажлуудтай уялдаж агаарын бохирдлыг хамтдаа бүрэн арилгаж чадна.

Үүнд цаг хугацаа, хийгдэх ажил их бий ч одоо байгаа нөөц бололцооныхоо хүрээнд “Тавантолгой түлш” ХХК нь агаарын бохирдлыг бууруулахаар хичээн ажиллаж байна.

Д.НАРАНЦЭЦЭГ

Анхаар! Уншигчдын бичсэн сэтгэгдэлд https://garts.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.