“Өнөөдөр л уухгүй юм шүү” гэсэн зорилгыг өдөр бүр өөртөө тавиад архинаас татгалзаж, амьдралаа өөрчлөхийн төлөө зүтгэж яваа нэгэн байхад согтууруулах ундааны хамааралтай болсноо мэдэхгүй, мэдсэн ч хүлээн зөвшөөрч чадахгүй хэсэг бүлэг бий.  “Архинд донтох нь өвчин юм. Өвчтэй хүнд эмч хэрэгтэй байдаг шиг архинд донтсон хүнд тусламж зайлшгүй шаардлагатай.

Нийгэмд архи уух олон шалтгаан бий. Баяр ёслол, стресс, уур бухимдал зэргээс үүдэлтэйгээр архи уух нь элбэг. Мөн Түр зуурын гуниг гутрал, уйтгараа архиар тайлж, хэсэг зуурын “жаргал”-ыг мөнх юм шиг эндүүрсээр эцэстээ архинд донтох эмгэгтэй болж байгаа. Архи нь уураг тархи, төв мэдрэлийн системийг сонгомлоор гэмтээж, элэг, ходоод, улаан хоолой, нойр булчирхай зэрэг бүх л цуллаг эрхтэнд сөргөөр нөлөөлдгийг эмч нар хэлж буй. Зөвхөн тухайн хүний бие махбодыг өвчлүүлээд зогсохгүй гэр бүл, хайртай дотнын хүнийнх нь сэтгэл зүрхэнд хар толбо үлдээдэг. Архи уудаг хүний гэр бүл, үр хүүхэд нь үргэлж айдас, дарамт, хүчирхийлэл дунд байдаг.

Архи согтууруулах ундааг согтох гэж хэрэглэх бус, зохист хэмжээнд хэрэглэх нь тохиромжтой. Эсвэл бүр татгалзах хэрэгтэй.

Иймд “Иргэд залуучуудад, амралт, баяр ёслолыг архидан согтуурахгүйгээр тэмдэглэх шинэ соёлыг төлөвшүүлэх нь” нөлөөллийн аянд нэгдэхийг уриалж байна. 

Баярлана гэдэг балгахын нэр биш...