Эрүүл мэндийн сайд Т.Мөнхсайхан, Төрийн нарийн бичгийн дарга Я.Амаржаргал нар шилжүүлэн ажиллуулах нэрийдлээр Эрүүл мэндийн яаманд халаа сэлгээ, томилгоог Төрийн албаны тухай хууль зөрчин хийж байна.

Коронавируст халдвар (КОВИД-19)-ын цар тахлын улмаас үүссэн хатуу хөл хорионы үед Эрүүл мэндийн яаманд ажиллаж байсан хүмүүсээс 21 мэргэжилтэн (төрийн жинхэнэ албан хаагч)-ийг яамны харьяа байгууллагад шилжүүлэн ажиллуулах тушаал гаргаж, үндсэн чиг үүргээс нь холдуулж, харин эсрэгээрээ төрийн албанд ажиллах шаардлага хангахгүй 26 хүнийг ЭМЯ-ндаа ажиллуулахаар томилсон гэдэг мэдээллийг эх сурвалжаас мэдээллээ. Эдгээр 26 хүн нь Т.Мөнхсайхан сайдын ойрын танил тал, найз нөхөд, тэдний гэр бүлийн хүмүүс, хамсаатнууд байна.

1. Ерөнхий эрүүл ахуйч, А. Бүзмаа 71 настай. Т.Мөнхсайхан сайдын найзын ээж,
2. Эрүүл мэндийн даатгалын хэлтсийн дарга, Б.Цолмон Улсын 2 дугаар төв эмнэлгийн даргаар саяхан томилогдсон Энхболдын эхнэр, Т.Мөнхсайхан сайдтай нэг анги,
3. Хяналт-шинжилгээ, үнэлгээний газрын дарга, Д.Ганцэцэг, МХЕГ-ын дарга Гантулгын нууц амраг, Т.Мөнхсайхан сайдын эхнэртэй нэг анги,
4. Эмнэлгийн тусламжийн бодлого, хэрэгжилтийг зохицуулах газрын хэлтсийн дарга, Энхцолмон, ЭХЭМҮТ-ийн эмч, Т.Мажилөнхсайханы нэг ангийн найз,
5. Батчимэг, ГССҮТ-д ажиллаж байсан, Т.Мөнхсайханы нэг ангийн найз,
6. Нийтийн эрүүл мэндийн тусламжийн бодлого, хэрэгжилтийг зохицуулах газрын хэлтсийн дарга, Э.Золжаргал, ГССҮТ-д хамт ажиллаж байсан Т.Мөнхсайханы найзын эхнэр, гэр бүлийн найз,
7. Нийтийн эрүүл мэндийн тусламжийн бодлого, хэрэгжилтийг зохицуулах газрын хэлтсийн дарга, Батдорж, Э.Золжаргалын нэг ангийн найз,
8. Аудитын хэлтсийн дарга, Д.Мөнхцэцэг, ГССҮТ-ийн хамт ажиллаж байсан Т.Мөнхсайханы найзын эхнэр,
9. Эмийн асуудал хариуцсан мэргэжилтэн, Б.Наранбаатар, Буриад Омбол ХХК-ний захирлын хүү,
10. Санхүүгийн хэлтсийн мэргэжилтэн, Сүхдарь, Дэд сайд Ш.Анхмаагийн дүү,
11. Санхүүгийн хэлтсийн мэргэжилтэн, Амаржаргал, Сангийн яамны Зарлагын хэлтсийн дарга Санжаадоржийн дүү,
12. Нийтийн эрүүл мэндийн тусламжийн бодлого, хэрэгжилтийг зохицуулах газарт мэргэжилтэн, Жаргал, Хилийн мэргэжлийн хяналтын газарт ажиллаж байсан
13. Эмнэлгийн тусламжийн бодлого, хэрэгжилтийг зохицуулах газрын Уламжлалтын хэлтсийн мэргэжилтэн, Жавзандулам, ХХААХҮЯ-ны Төрийн нарийн бичгийн даргын дүү гэх мэт хүмүүсийг томилоод байна.

Эрүүл мэндийн сайд Т.Мөнхсайхан Коронавирустэй тэмцэхийн оронд яамандаа халаа сэлгээ хийж, жирийн мэргэжилтэн нараа халж, өөрийн танил тал, найз нөхдөө хууль бусаар оруулжээ. Ийнхүү ЭМЯ-ны 40 хувь нь тангараг өргөөгүй албан хаагч нар болжээ.  Яамны газар хэлтсийн дарга нарыг солих нэрээр жирийн мэргэжилтнүүдийг шилжүүлэх нэрийн дор явуулж, ажил амьдралаар нь хохироож байна.

ХӨСҮТ, Энхсаран сувилал, Сэлэнгийн НЭ, БЗД-ийн НЭ, Хавдрын эмнэлэг, Цэргийн төв эмнэлэгт Коронагийн халдвар алдаж эмнэлгийн дотоод халдвар гарч, эмч, ажилчид ард иргэдэд халдвар тараах эх үүсвэр болж байхад Сайд нь жирийн ажилтан нараа халж, өөрийн хүнээ авч байна. Мөнхсайхан Ажлаа хийж чадахгүй байна.