Энэ жил хүн анх сансарт ниссэний 60 жилийн ой тохиож байгаа энэ үед АНЭУ анхны эмэгтэй сансрын нисгэгчээ танилцуулжээ.

 АНЭУ-ын түүхэнд "Анхны эмэгтэй сансрын нисгэгч" хэмээн нэрээ бичүүлж байгаа тус эмэгтэйг Нура аль-Матрооши гэдэг бөгөөд тэрээр Мохаммед бин Рашидагийн нэрэмжит Сансрын төвийн сансрын нисгэгчдийн хөтөлбөрт хамрагдсан хоёр хүний нэг хэмээн тус улсын дэд Ерөнхийлөгч Мохаммед бин Рашид Аль Мактум өөрийн твитер хуудаснаа жиргэжээ.

Мөн Нура аль-Матрооши “Өнөөдөр миний хувьд мартагдашгүй мөч тохиож байна. Би ард түмэндээ үүрд дурсагдах түүхэн мөч, ололт амжилтыг үлдээхийн тулд шаргуу хөдөлмөрлөх болно” хэмээн өөрийн твиттер хуудаснаа жиргэсэн байна. 

АНЭУ-ын анхны сансрын нисгэгч аль-Матрооши нь 1993 онд төрсөн бөгөөд АНЭУ-ын их сургуульд механик инженерийн чиглэлээр бакалаврын зэрэг хамгаалж, Үндэсний газрын тосны барилга байгууламж угсралтын корпорацид инженерээр ажилладаг аж. 

Тэрээр "Сансрын төвийн сансрын нисгэгчдийн хөтөлбөрт"  нийт 4000 гаруй хүнтэй хамт хамрагдах хүсэлтээ илгээсэн бөгөөд тэрээр Нура аль-Матроошийг Мохаммед Аль-Муллагийн хамтаар сонгосон байна. Нура аль-Матроошигийн хамтрагч Мохаммед Аль-Мулла нь 1988 онд төрсөн Аль-Мулла нь арилжааны нисгэгчээс гадна Дубай хотын цагдаагийн газарт нисгэгчээр ажилладаг нэгэн аж.

эх сурвалж: cnn.com

dailymail.co.uk