Өнөөдөр “Севол” хөлөг онгоцны ослын хохирогчдын дурсгалыг хүндэтгэх өдөр тохиож байна.
Одоогоос 7 жилийн өмнө Өмнөд Солонгосын Чежү арлыг чиглэн явж байсан “Севол” нэртэй хөлөг онгоц өнгөрсөн 2014 оны дөрөвдүгээр сард осолдсон билээ.
Ослын улмаас 304 хүн амиа алдсан бөгөөд ослын дараа аврагчид уснаас 295 зорчигчийн цогцсыг гаргасан бол өнөөг хүртэл есөн зорчигчийн цогцос олдоогүй учраас тэднийг амиа алдагсдын жагсаалтанд оруулсан талаар 2015 онд мэдэгдэж байсан юм.
Шалгалтын явцад “Севол” хөлөг онгоцны ахмад Ли Жүн Сёк болон багийн бусад 15 гишүүн зорчигчдыг бүхээгнээсээ гарахгүй байхыг анхааруулаад өөрсдөө хөлгөө орхин явсан байсныг илрүүлсэн байдаг. Улмаар тус хөлөг онгоцны ахмад Ли Жүн Сёкийг шүүх хурлаар түүнийг осол гарах үед хэргийн газраас зугтаасан, ажлын хариуцлага алдсан, зорчигчдын амь насыг аврахын тулд ямар ч алхам хийгээгүй хэмээн буруутгаж 36 жилийн хорих ялаар оноосон бол багийн бусад 10 гишүүнд 10-25 жилийн хорих ял оноожээ.
Энэ харамсалтай үйл явдлын улмаас амь үрэгдсэн, сураггүй алга болсон сурагчдын ар гэрийхэнд хүндэтгэл үзүүлж "BTS- Spring Day", "Red Velvet- One Of These Nights", "The Ark- Light" зэрэг уран бүтээлүүд цацагдаж байснаас гадна ослын талаар өгүүлсэн "Birthday" (2019), "Intention" (2018) уран сайхны кинонууд гарч байсан юм.
эх сурвалж: koreatimes.co.kr
yonhap