“Henley Passport Index” дэлхийн хамгийн олон улсаар визгүй зорчдог паспорттой орнуудын жагсаалтыг гаргажээ. Энэ жил тус жагсаалтыг Япон улс тэргүүлсэн бөгөөд тус улсын иргэд 193 орноор визгүй зорчих боломжтой ажээ. Харин Сингапурын иргэд 192 орноор визгүй зорчих боломжтойгоор жагсаалтын хоёрдугаарт бичигдсэн байна. ТЭдний араас  3-рт Герман, БНСУ(191), 4-рт Финланд,Итали, Люксембург,Испани (190), 5-рт Австри, Дани (189),  6-рт Франц,Ирланд,Нидерланд, Португал, Швед (188), 7-рт Бельги,Шинэ Зеланд,Швейцар, Их Британи, АНУ (187), 8-рт Чех, Грек, Мальта,Норвеги (186), 9-рт Австрали,Канад (185) орнууд орсон бол Унгар,Литва, Польш,Словак (183) орнууд 10-рт жагсжээ.

Харин жагсаалтын сүүл мушгисан орнуудаар БНАСАУ(39), Балба (38), Палестины бүс(37), Сомали (34), Йемен (33), Пакистан (32), Сири (29), Ирак (28), Афганистан (26) орнууд тус тус жагсжээ. 

Мөн “Henley Passport Index”-н тайланд БНХАУ, АНЭУ орнуудыг сүүлийн 10 жилд хамгийн их ахиц үзүүлсэн хэмээн онцолжээ. Учир нь  2011 оноос хойш БНХАУ 90 дүгээр байраас 68 дугаарт, АНЭУ 65 дугаар байраас 15 дугаарт жагссан аж. Өөрөөр хэлбэл 10 жилийн өмнө  АНЭУ-ын иргэд 67 орон руу визгүй зорчдог байсан одоо 174 улс болж нэмэгдсан байна.

Харин манай Монгол Улсын иргэдийн хувьд 62 орон руу визгүй зорчих эрхтэйгээр жагсаалтын 80 дугаарт бичигдсэн байжээ.

эх сурвалж: cnn.com