“Apple” компани 11 болон 12.9 инчийн “iPad Pro” таблетынхаа шинэчилсэн хувилбаруудыг танилцуулжээ.
Тус шинэ таблетууд нь “Mac Mini”, “MacBook Air” болон “MacBook Pro”-той адил хүчирхэг “M1” процессортойгоос гадна “Thunderbolt” болон “USB4” холбогчоор тоноглогджээ. Ингэснээр хатуу дискийг холбох, өгөгдлийг илүү хурдан дамжуулах боломжтой болсон байна. МӨн “iPad Pro” нь тав дахь үеийн гэгдэх 5G сүлжээг бүрэн дэмжихээс гадна өмнөх үеийн “iPad Pro”-гоос 50 хувиар илүү хурдан бөгөөд “Xbox Series”, болон “PlayStation DualSense” геймпадыг дэмждэг хэмээн компаний зүгээс онцолсон байна.
Түүнчлэн төхөөрөмжүүдэд LiDAR-сканер бүхий систем, гурван камер, 122 градусын өнцөгтэй шинэ хэт өргөн өнцөгт 12 мегапикселийн камер суурилуулжээ. “Center Stage” шинэ функцийн тусламжтайгаар кадр доторх бүх хүмүүст тохирох өнцгийг өөрчилж болох гэнэ. Үүгээр ч зогсохгүй 10 мянган мини LED-ээс бүрдэх мини LED дэлгэцийн технологи, Liquid Retina XDR дэлгэц суурилуулжээ.
Сонирхуулахад шинэ таблетуудын урьдчилсан захиалга дөрөвдүгээр сарын 30-наас эхлэх бол тавдугаар сарын хоёрдугаар хагаст худалдаанд гарах юм байна.