Хэдхэн хоногийн өмнө Тесла компанийн цахилгаан машин осолдож, хоёр хүн нас барсан харамсалтай хэрэг гарсан билээ.

Энэхүү харамсалтай үйл явдлын талаар Тесла компанийн зүгээс албан ёсоор мэдэгдэл хийсэн байна. Тэдний мэдээлж байгаагаар, АНУ-ын Техас мужид осолдсон Тесла цахилгаан машины авто жолоодлогыг асаагаагүй байжээ. Мөн осолдсон авто машин тухайн үед машин бүрэн автомат жолоодлогын функцээр тоноглогдоогүй байсан гэдгийг компанийг үүсгэн байгуулагч Илон Маск онцлон тэмдэглэсэн байна. 

Үүнээс гадна осол болох өөр нэг шалтгааныг тухайн осол болсон замын хэсэгт стандарт авто жолоодлогын хэвийн ажиллагаанд шаардлагатай замын тэмдэглэгээний гэрэлтүүлэг байгаагүйгээс үүдэлтэй хэмээжээ.

Эргэн сануулахад, 2021 оны дөрөвдүгээр сарын 17-ны өдөр Хьюстоноос хойд хэсэгт Тesla Model Y цахилгаан машин өндөр хурдтай явж байгаад мод мөргөн шатсаны улмаас дотор нь байсан хоёр хүн хоёулаа амиа алдсан юм. Аврагчид галыг унтраахын тулд 4 цаг ажилласан бөгөөд ингэхдээ 120 мянган литр ус зарцуулжээ. Мөн тухайн осол гарах үед жолооны ард хүн байгаагүй, нэг зорчигч урд талын зорчигчийн суудалд, нөгөө нь хойд суудалд сууж байсан аж.

эх сурвалж: cnn.com

theguardians.com