Энэтхэг улсын эмнэлэгүүдэд хүчилтөрөгчийн нөөц тасалдаж улмаар эмнэлгүүдийн ачаалал огцом нэмэгдэж, амьсгалын аппарат, хүчилтөрөгчийн хомсдолтой тулгараад байгаа юм. Тус улсад коронавирусний хоёр дахь давалгаа явагдаж байгаагийн дээр хүчил төрөгч шаардлагатай бусад өвчтөнүүдэд хүчил төрөгч хүрэлцэхгүй байгаагийн улмаас  түүхэндээ байгаагүй хамгийн их нас баралтуудыг бүртгэж байна гэж олон улсын хэвлэл мэдээллийн хэрэгслүүд мэдээлж байна. 

Одоогоор Шинэ Дели, Мумбай зэрэг том хотуудад эмнэлгүүдийн ор дүүрч, хүндэрсний улмаас нэмж өвчтөн хүлээж авах боломжгүй нөхцөл байдалд орсон бөгөөд энэ талаар эмч нар “Өмнө нь ийм хүнд нөхцөл байдлын дүр зургийг харж байсангүй. Халдварын улмаас нас барсан хүмүүсийн дунд бага насны хүүхдүүд, дөнгөж гэрлэсэн хосууд хүртэл байна. Тэднийг харахад маш хэцүү байдаг” хэмээн ярьжээ. 

Дели дэх Жайпур Голден эмнэлэгт хүчилтөрөгчийн дутагдалд орсны улмаас нэг шөнийн дотор 20 хүн нас барсан гэж албаныхан мэдээлж байлаа. Хэдийгээр тус улсын Засгийн газраас түр эмнэлгүүд байгуулж, мужууд руу эмч, сувилагч, хүчилтөрөгчийн нөөц илгээх шийдвэрийг гаргасан ч төдийлөн ач холбогдол өгөхгүй байгаа аж.

Сануулахад, Тус улсад цар тахлын халдварын тархалт гуравдугаар сараас эрс нэмэгдсэн бөгөөд үүнд өнгөрсөн нэгдүгээр сард эхэлсэн хинди шашны баяр гол нөлөө үзүүлсэн хэмээн судлаачид үзэж байгаа юм. Үүний зэрэгцээ "Би1-617" гэх коронавирусний хавсарсан мутаци Энэтхэгт хурдтай тархаж байж болзошгүй гэж таамаглалыг ч дэвшүүлээд байгаа юм.

Эх сурвалж: BBC.com

dailymail.co.uk