Сүүлийн үед  Энэтхэг улс дэлхийн нийтийн анхаарлыг ихээр татаад байгаа билээ. Учир нь тус улс  цар тахлын гамшигт нэрвэгдэж улмаар өдөрт хэдэн арван хүн нас барж байгаа юм.

Улмаар Энэтхэг гаралтай бизнесмэнүүд эх орондоо туслахаар болжээ.

Тодруулбал, Google-ийн гүйцэтгэх захирал Сундар Пичай Энэтхэгийн засгийн газарт компаниасаа болон ажилтнуудынхаа зүгээс 1.35 тэрбум рупигийн ($18 сая) тусламж үзүүлэхээр болсноо твиттер хуудсандаа мэдэгджээ. 

Сундар Пичай Энэтхэгт цар тахлын нөхцөл байдал хүндэрсэнд санаа зовж байгаагаа илэрхийлээд, төрөлх эх оронд нь тусламж үзүүлж байгаа АНУ-ын засаг захиргаанд талархал илэрхийлье гэжээ.  Пичай нь Энэтхэгийн Тамил Надуд төрсөн. Тэрбээр Стэнфордын их сургуульд суралцахаар АНУ-д ирэх хүртлээ компьютертэй байж үзээгүй гэдэг.

Пичай 2004 онд Google компанид ажилд орж, 2015 онд гүйцэтгэх захирал нь болж байжээ.

Түүнээс гадна  Microsoft-ийн гүйцэтгэх захирал Сатя Наделла ч мөн эх орон, элэг нэгтнүүддээ өөрийн чадлаар туслахаа мэдэгдэж компанийнхаа нөөц бололцоо, технологийн хүчин чадлыг Энэтхэг улсад туслахад дайчлахаа амласан байна. 

Тэрээр " Энэтхэгт үүсээд байгаа өнөөгийн байдал сэтгэлийг минь эмзэглүүлж байна. АНУ-ын Засгийн газар тусламжийн гараа сунгасанд талархаж байна. Майкрософт компани дуу хоолой, нөөц, технологио ашиглан тусламжийн ажилд туслах, хүчилтөрөгчийн концентрацийн чухал төхөөрөмжүүдийг худалдан авахад дэмжлэг үзүүлэх болно" хэмээн жиргэжээ.

Наделла, Пичай нар нь Энэтхэгээс төрсөн хамгийн амжилттай яваа гүйцэтгэх захирлууд юм.

 Сатя Наделла өмнөд Энэтхэгийн Хайдерабад хотын уугуул бөгөөд 1992 оноос хойш Microsoft компанид ажиллаж, 2014 онд гүйцэтгэх захирал нь болж байжээ. Харин Сундар  Пичай нь Энэтхэгийн Тамил Надуд төрсөн бөгөөд тэрээр Стэнфордын их сургуульд суралцахаар АНУ-д ирэх хүртлээ компьютертэй байж үзээгүй гэдэг. Улмаар 2004 онд Google компанид ажилд орж, 2015 онд гүйцэтгэх захирал нь болж байжээ.

Өчигдрийн байдлааор Энэтхэг улсад коронавирусийн халдварын 352,991 тохиолдол шинээр бүртгэгдэж, нийт тохиолдлыг 17.3 саяд хүрчээ. Мөн коронавирусний 2,812 хүн нас барж нийт нас баралт  195,000-д хүрсэн байна. 

Эх сурвалж: CNN