Мексикийн Мехико хотод галт тэрэг явж байсан метроны гүүр нурсны улмаас 23 хүн амиа алдсан харамсалтай хэрэг гарчээ.

Одоогоор ослын шалтгааныг хараахан тогтоогоогүй байгаа ч Мексикийн иргэний хамгааллын яамнаас тус галт тэрэгний явдаг 12-р шугам буюу "Алтан шугам" гэж нэрлэгддэг замаар явж байсан бөгөөд уг гүүрний нэг баганыг автомашин мөргөсний улмаас нурсан байж болзошгүй гэсэн таамаглалыг дэвшүүлэн шалгалтын ажиллагааг эхлүүлсэн байна. 

Энэ явдал орон нутгийн цагаар даваа гарагийн орой 22:25 цагт болсон бөгөөд аврагчид, цагдаагийнхан болон эмнэлгийн ажилтнууд хэргийн газар очиж шуурхай ажиллажээ. 

Мөн Мехико хотын дарга Клаудиа Шейнбаум "Ослын улмаас амиа алдсан хүмүүсийн дунд хүүхдүүд байсан. Гүүр нурах үеэр бэртсэн 65 хүн эмнэлэгт хүргэгдсэн бөгөөд долоон хүний ​​биеийн байдал маш хүнд байна. Бид удахгүй ослын талаарх дэлгэрэнгүй мэдээлэл өгөх болно" хэмээн мэдээлсэн байна.

Эх сурвалж: bbc.com