Дэлхийн эрүүл мэндийн байгууллага (ДЭМБ) гэмтэж, бэртсэн хүмүүсийг нүүлгэн шилжүүлэх зорилгоор коридор бий болгохыг уриалжээ.

Бүтэн 11 хоногийн турш үргэлжилсэн бөгөөд мөргөлдөөний үеэр 250 гаруй хүн амь үрэгдсэний ихэнх нь Газын зурваст болжээ. Энэ бүхний эцэст Израилийн Засгийн газар болон Палестины Хамас бүлэглэл харилцан гал зогсоох тохиролцоонд хүрсэн бөгөөд хоёр талаас өөрсдийгөө ялалт байгууллаа хэмээн зарласан байна.

Тус мөргөлдөөний улмаас Газад үүссэн хохирлын сэргээн босголтын ажилд олон жил шаардагдаж магадгүй гэж эрх баригчид мэдэгджээ.

Израилийн өмнөд хэсэгт оршин суугчид талуудын эвлэрсэнд баяртай байсан боловч олон хүн энэ бүс нутагт дахин мөргөлдөөн гарах нь цаг хугацааны асуудал болж байгаад сэтгэл түгшиж байгаагаа илэрхийлжээ.

Израиль “Kerem Shalom” гарцыг нээсний дараа НҮБ-тай холбоотой олон тусламжийн байгууллагуудын ачааны машинууд нэн шаардлагатай эм, хүнс, шатахууныг Газа хот руу авчирч эхлэсэн байна.

Эх сурвалж: BBC