Сүүлийн үед Энэтхэг улсад бүртгэгдэж байгаа коронавирусний халдварын тоо өдрөөс өдөрт нэмэгдэж улмаар халдварын тохиолдлын тоогоор дэлхийд хоёрдугаарт орсон хэвээр байна.

 Энэтхэгийн Эрүүл мэндийн яамнаас мэдээлж байгаагаар дөрөвдүгээр сарын 21-нээс тавдугаар сарын 17-ныг хүртэл өдөр бүр 300 мянга гаруй шинэ тохиолдол илэрч байсан бол таван ч удаа 400 мянгыг давжээ. Мөн халдварын улмаас нас барсан хүмүүсийн тоо сүүлийн хоногт 3.511-ээр нэмэгдэж, цар тахал гарснаас хойш нийт нас баралт 307,231-т хүрсэн байна.

Түүнчлэн Энэтхэг улсын хувьд сүүлийн хоногуудад шинээр бүртгэгдэх халдварын тоо багасч 100.000-р тоологдож байгаа ч иргэдээ вакцинжуулах ажил харьцангшуй удаашралтай явж байна. Одоогоор Энэтхэг улс вакцины хомсдлын улмаас коронавируст халдвараар хамгийн их өвчилсөн 10 орны дунд вакцинжуулалтаараа доогуур үзүүлэлттэй байгаа. Энэ нь Энэтхэг халдварын гуравдахь давалгаанд өртөх эрсдэлтэй хэмээн мэдргэжилтнүүд дүгнэжээ.

Одоогоор тус улсын нийт 1.3 тэрбум хүн амын 3,1 хувь нь буюу 41,9 сая гаруй хүн коронавирусний эсрэг вакцины бүрэн тундаа хамрагдсан байна. Өнөөдрийн байдлаар Энэтхэг улсын 27.2 сая иргэн коронавирусний халдвар авсан бол халдварын улмаас 311 мянган хүн амь насаа алджээ.

Эх сурвалж: Reuters