Сүүлийн үед Израилд бүртгэгдэх коронавирусний халдварын тохиолдлын тоо эрс нэмэгдэж байгаатай холбогдуулан тус улсын ын Эрүүл мэндийн яамны шинжээчдийн хорооноос 40-өөс дээш насныхан болон багш нарыг вакцинжуулалтад яаралтай хамруулахыг зөвлөжээ. Улмаар өчигдөр Израил улс коронавирусний вакцины гурав дахь тунд хамрагдах иргэдийн насны хязгаарыг 50-иас 40 болгон бууруулахаар шийдвэрлэсэн талаар тус улсын төрийн мэдлийн “Kan” телевиз мэдээлсэн байна. 

Одоогийн байдлаар, хоёр дахь тунгаа хийлгэснээс хойш таван сар гаруйн хугацаа өнгөрч байгаа тус улсад 50-иас дээш насны 1.9 сая хүний 1.25 сая орчим нь вакцины гурав дахь тунд хамрагджээ. Харин улсын хэмжээнд 5.88 сая орчим хүн буюу нийт хүн амын 63 хувь нь вакцины эхний тунд хамрагдсанаас 5.4 сая гаруй хүн хоёр тунд, 1.25 сая орчим хүн гурав дахь тунд хамрагдсан байна. 

эхсурвалж: reuters.con