ДЭМБ-аас коронавируст халдварын хувьссан хувилбар болох “Mu” гэх хувилбарыг АНУ, Өмнөд Солонгос, Япон, Канад зэрэг дэлхийн 39 гаруй оронд бүртгэгдсэн талаар мэдээллээ.

Жонс Хопкинсийн их сургуулийн анагаах ухааны профессор Стюарт Рейгийн мэдээлснээр “Mu” гэх шинэ хувилбар нь Колумби, Чили, Перу улсад “дамжуулах чадвар өндөр” байгаа ч АНУ-д санаа зовох шалтгаан байхгүй гэдгийг онцолжээ. Хэдий тийм ч өнөөдрийн байдлаар АНУ-д тус “MU” хувилбараар халдварласан 2000 орчим тохиолдол бүртгэгдээд байгаа ч энэ тоо цаашид нэмэгдэх хандлагатай байгаа талаар албаныхан мэдээлсэн байна.  

Мөн халдарт өвчний мэргэжилтэн Антони С.Фауки “Бид “Mu” хувилбарыг маш анхааралтай ажиглаж байгаа. Гэхдээ хамгийн их анхаарал татаж байгаа нь “дельта” хувилбар хэвээр” хэмээн мэдэгджээ.

Бэлтгэсэн: Б.Цэндмаа

эх сурвалж: USA today, Washington post