Дэлхийн Эрүүл мэндийн байгууллагын ерөнхий захирал Тедрос Адханом 13-нд болсон Европын бүсийн хорооны 71 дүгээр чуулганы нээлтэд зориулан үг хэлжээ. 

Энэ үеэр тэрээр дэлхий даяар 5.5 тэрбум гаруй тун вакцин хийлгэсэн боловч тэдний бараг 80% нь өндөр ба дунд орлоготой орнуудад байдаг. ДЭМБ -ын дэлхийн зорилт бол улс орон бүрийг энэ сарын эцэс гэхэд хүн амынхаа 10 -аас доошгүй хувийг, энэ оны эцэс гэхэд 40 -өөс доошгүй хувийг, ирэх оны дунд гэхэд дэлхийн хүн амын 70 хувийг вакцинжуулахыг дэмжих явдал юм.

Дэлхийн эрүүл мэндийн байгууллага энэ жилийн эцэс гэхэд дэлхийн улс орнууд бүгд багадаа нийт хүн амын 40%-г вакцинд хамруулсан байхыг зорьж байгаа. 2022 оны дундуур дэлхийн 70%-ийн хүн амыг вакцинд хамруулна. Гэхдээ ДЭМБ-ын тоо баримтаас үзвэл, Африкт өдгөө хоёрхон орон 40%-ийн зорилтоо биелүүлээд байна. 

Вакцины тэгш бус хуваарилалтаас болж, өвчин болон нас баралтын эрсдэл ихтэй хүмүүс нь аминд нь хүрэх вирустэй нүүрлэж байхад дэлхийн бусад дийлэнх нь хамгаалалтад байдаг. Вакцины тэгш бус хуваарилалт үргэлжлэх тусам вирусийн халдварын хүрээ улам тэлж, нийгэм нийт, эдийн засгийн замбараагүй байдал улам удаан үргэлжилж, вирусийн мутацийн боломж илүү болж, цаашид вакцины үр нөлөөг бууруулна хэмээн онцолсон байна. 

эх сурвалж: ДЭМБ