Сингапурт халдварын 1178 тохиолдол шинээр бүртгэгдсэн талаар тус улсын Эрүүл мэндийн яамнаас лхагва гарагт мэдээлжээ. Энэ нь өнгөрсөн оны дөрөвдүгээр сараас хойш өдөрт илэрсэн халдварын хамгийн олон тохиолдол болсон байна. 

Шинээр бүртгэгдсэн 1038 тохиолдол нь дотоодоос илэрсэн бол тус улсад цагаачлан ажилладаг иргэдийн дотуур байранд халдварын 135 тохиолдол бүртгэгджээ. Мөн сүүлийн 24 цагийн хугацаанд халдварын улмаас гурван хүн нас барж, нийт нас баралтын тохиолдол 65-д хүрсэн байна. Одоогийн байдлаар халдвар авсан 1109 орчим хүн эмнэлэгт хэвтэн эмчлүүлж байгаагаас 17 хүний биеийн байдал хүнд байгааг онцолжээ.  

Түүнчлэн Сингапурт даваа гаргийн байдлаар 5.7 сая хүн амтай тус улсын хүн амын 82 хувь нь вакцинд бүрэн хамрагдсан бол 84 хувь нь вакцины эхний тунг хийлгэсэн байна. 

эх сурвалж: reuters.com