Neuralink хоёр дахь туршилтын хүнд тархины чип суулгасан гэж Маск хэллээ

Ерөнхий сайд Г.Занданшатар "Цөлжилттэй тэмцэх тухай" НҮБ-ын конвенцын Гүйцэтгэх нарийн бичгийн дарга Ясмин Фоуадтай уулзав А.Баяр: Зах, худалдааны төвүүдийг уртасгасан цагаар ажиллуулах боломжийг судалъя COP17: Олон талт хэлэлцээний чадавхыг бэхжүүлэх сургалт эхэллээ Ихэнх нутгаар салхи шуургатай байна Дулааны 5-р цахилгаан станцын газар шорооны ажлыг энэ сарын 15-нд эхлүүлнэ Цөлжилттэй тэмцэх тухай НҮБ-ын конвенцын Гүйцэтгэх нарийн бичгийн дарга Ясмин Фуад Монгол Улсад албан ёсны айлчлал хийнэ Нөөцийн махны өргөтгөсөн худалдааг долоон байршилд зохион байгуулж байна УЕПГ: Нэгдүгээр сард 551 мянган зөрчил бүртгэгджээ А.Амартүвшин: Нийслэлд хий цэнэглэх 33 цэг байгуулна Улаанбаатарт -9 хэм хүйтэн байна Ж.Энхжаргалан: Хотын эргэн тойрон дахь бүх уулын амыг Нийслэлийн мэдэлд шилжүүлж хууль бус бүх хашааг нураах ёстой Жанжин Д.Сүхбаатарын хөшөөнд цэцэг өргөж, хүндэтгэл үзүүллээ Гол мөрөн, нуурын мөсний зузаан олон жилийн дунджаас 5-45 см нимгэн байна Нийслэлд 5000 хийн халаалтын зуух, 20 мянган хийн баллон хүлээж авах ажлын явц 71.5 хувьтай байна Мөрийтэй тоглоом зохион байгуулж, мөнгө угаасан хэргийг шүүхэд шилжүүлжээ

Neuralink компани саажилттай өвчтөнүүдэд дижитал төхөөрөмжийг ашиглахад шаардагдах сэтгэн бодох чадвар олгох зориулалттай төхөөрөмжөө хоёр дахь өвчтөнд амжилттай суулгасан гэж Илон Маск мэдэгдэв.

Neuralink нь нугасны гэмтэлтэй хүмүүст туслах зориулалттай төхөөрөмж нь туршилтын шатандаа явж байгаа аж. Энэхүү төхөөрөмж нь анхны өвчтөнд видео тоглоом тоглох, интернет үзэх, олон нийтийн сүлжээнд нийтлэх, зөөврийн компьютер дээр курсороо хөдөлгөх чадварыг одоогоор амжилттай эзэмшүүлээд байна.

Маск баасан гарагийн орой нийтлэгдсэн найман цаг гаруй үргэлжлэх подкастын үеэр хийсэн тайлбартаа, усанд шумбах үеэрээ осолд орж саажилттай болсон хоёр дахь өвчтөн эхний өвчтөнтэй төстэй нугасны гэмтэлтэй гэх мэдээллээс өөр мэдээлэл бараг өгөөгүй юм. Маск хэлэхдээ, хоёр дахь өвчтөний тархинд нь 400 электрод суулган ажиллуулж байна хэмээжээ. Neuralink вэб хуудаснаа нэг суулгацандаа 1024 электрод ашигладаг гэж мэдэгджээ.

“Одоохондоо ингэж хэлэхэд эрт байгаа ч гэсэн туршилт хоёр дахь өвчтөнд амжилттай болсон” хэмээн Маск подкастын хөтлөгч Лекс Фридманд хэлжээ.

Neuralink хоёр дахь өвчтөнд хэзээ мэс засал хийсэн талаар Маск мэдээлэл өгсөнгүй. Маск Neuralink компанийг эмнэлзүйн туршилтынхаа хүрээнд энэ жил дахин найман өвчтөнд суулгац хийхээр төлөвлөж байгаа гэв.

Эхний өвчтөн буюу, Ноланд Арбау, болон Neuralink-ын удирдах ажилтнууд нар мөн адил подкастанд оролцон суулгац болон роботоор удирдуулсан мэс засал хэрхэн ажилладаг талаар дэлгэрэнгүй мэдээлэл өгсөн.

Illustration shows Neuralink logo and Elon Musk photo

Арбау өмнө нь амандаа саваа зууж компьютер мөн гар утсаа ашигладаг байв. Харин одоо Арбау суулгацын тусламжтайгаар компьютерын дэлгэц бусад техник хэрэгсэлүүдийг чөлөөтэй ашиглах чадвартай болсон байна.

Арбау мэс засал хийлгэсний дараа суулгацын жижиг утаснууд татагдаж, тархины дохиог хэмжих электродууд огцом багасаж эхэндээ асуудалтай тулгарсан. Ройтерс агентлагийн мэдээлснээр Neuralink энэ асуудлыг амьтдад хийсэн туршилтаасаа таамаглаж байсан аж.

Neuralink нь суулгацын алгоритмыг илүү мэдрэмтгий болгох өөрчлөлтийг оруулснаар Арбаугийн тархины дохиог хянах чадварыг сэргээсэн гэж мэдэгджээ.

Эх сурвалж: Reuters.com

Бэлтгэсэн: О.Янжихлхам

Анхаар! Уншигчдын бичсэн сэтгэгдэлд https://garts.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.