“McDonald's”, “Taco Bell” болон бусад сүлжээнүүд эдийн засгийн хямралд нэрвэгдсэн үйлчлүүлэгчдээ эргүүлэн татахын тулд хямдрал зарлаж байна.

“White Castle” нь бургерынхээ үнийг 30%-аас илүү багасган бэлэн мөнгөний хомсдолд орсон хэрэглэгчдэдээ маш хямдаар бүтээгдэхүүнүүдээ борлуулахаар оролдож байна.

“Ohio”-д байршилтай “White Castle”-ын сүлжээ дэлгүүр тогтсон хугацаагаар 10 ширхэг багц бургерээ 7.99 ам.доллараар борлуулах бөгөөд нэг нь 80 центээс ч хямдхан гэсэн үг. Үйлчлүүлэгчид хамгийн сүүлд арав гаруй жилийн өмнө буюу 2011 онд “White Castle”-ийн бургерыг ийм үнээр худалдан авдаг байжээ.

Харин “New York”, “New Jersey”-дэх сүлжээ салбарууд  10 ширхэг багц бургерээ 8.99 ам.доллараар худалдаалах юм байна. Энэ нь дангаар худалдаалдаг ганц багцаас илүү хямд хэмээн тус компани мэдээллэв.

“Зоос болгон үнэ цэнэтэй эдийн засгийн хямралын үед бид ийм аргаар арга хэмжээ авж байна” гэж “White Castle”-ийн дэд захирал Жэйми Ричардсон өгүүлэв.

“White Castle” нь одоогоор “McDonald”, “Yum!”, “Taco Bell” гэх мэт үндэстэн дамнасан корпорациудын эгнээнд нэгдэж ороод байгаа билээ.

АНУ-ын түргэн хоолны газруудын хэрэглэгчид нь эдийн засгийн хувьд хэцүү нөхцөлд байгаа цаг үед гадуур хооллохоос илүүтэй гэртээ хооллох нь зардал бага гардаг учраас түргэн хоолны газрууд гэлтгүй ресторан цайны газруудад үйлчлүүлэх хүмүүс цөөрж байгаа аж.

Эх сурвалж: Fox Business

Бэлтгэсэн: О. Янжинлхам