Дэлхийн 2-р дайны үед Дунай мөрөнд живсэн тэсрэх бодис ачсан нацистуудын хөлөг онгоцны сэгүүд Сербийн Прахово голын хотын ойролцоох боомт дээр долдугаар сараас наймдугаар сарын хооронд болсон ган гачгийн дараагаар голын усны түвшин буурсан ба түүнээс шалтгаалан буцаж хөвж гарч иржээ.

Мягмар гарагт Дунай мөрний усны түвшин ердөө 1.5 метр (4.9 фут) байх үед 1950 оноос өмнө оршиж байсан дөрвөн хөлөг онгоц Хунгарын Данубэ-Драва хэмээх үндэсний цэцэрлэгт хүрээлэнгийн ойролцоо илэрчээ.

1944 онд нацист Германы Хар тэнгисийн флот зөвлөлтийн цэргүүд рүү дайрч, хөлөг онгоцуудаа өөрсдөө устгаж байхдаа Дунай мөрний эрэг дагуу унасан олон зуун хөлөг онгоцнуудын дундаас Праховод олдсон хөлөг онгоцууд байжээ. Энэхүү хөлөг онгоцнууд нь усны түвшин бага байх үед голын хөдөлгөөнд саад учруулж болзошгүй юм.

Мягмар гарагт Будапестэд Дунай мөрний өндөр 1.17 метр (3.8 фут) байсан нь 2018 оны аравдугаар сард бүртгэгдсэн 0.4 метр (1.3 фут) буюу бүх цаг үеийн хамгийн доод түвшинтэй харьцуулахад хоорондоо тун ойрхон түвшинтэй байгаа юм. Үерийн үеэр Дунай 6 метрээс (19.7 фут) нэлээдгүй хэмжээгээр дээшилдэг.

Даваа гарагт удаан хугацааны дараагаар дахин бороо орж Дунай мөрний түвшинг амралтын өдөр гэхэд 3 метр (9.8 фут) хүртэл өсөх төлөвтэй байгаа бөгөөд гол мөрөн хөлөг онгоцыг дахин живүүлэх магадлалтай байгаа аж.

Польшийн хамгийн урт гол болох Висла мөрний түвшин хамгийн багадаа хүрч, Варшавт элсэн эрэг ил гарч хөдөөгийн нэгэн хэсэгт хандгай гаталж яваа нь маш гүехэн устай болсон байгааг харуулж байна.

Эх сурвалж: CNN

Бэлтгэсэн: О.Янжинлхам