“Melioidosis” гэж нэрлэгдэх бактерийн гаралтай халдвар Хонконгийн амьтны хүрээлэн дэхь есөн сармагчны аминд хүрсэн гэж тухайн газрыг шалгасан хяналтын ажилчид мэдэгдсэн ба амралтын өдрүүдэд энэ тоо хоёроор нэмэгдэн нийтдээ арван нэг болоод байна.

Амьтны хүрээлэнгийн хувьд бол 1860 онд баригдсан энэхүү Хонконгийн хамгийн эртний хүрээлэнг хяналтын ажилчид сармагчингуудын үхлийн улмаас энэ сарын 14-нд хаасан.

Тухайн сармагчингууд нь таван тусдаа торонд байрлаж байсан бөгөөд хяналтын ажилчны мэдээлснээр есөн сармагчин “melioidosis”-оор өвчилснөөс болж нас барсан байна. Задлан шинжилгээгээр сармагчны дотор эрхтнүүдээс нь их хэмжээний “melioidosis” үүсгэгч нян илэрсэн бөгөөд энэ нь сармагчингийн амьдрах орчны ойролцоох хөрснөөс гаралтай байх магадлалтай гэж мэдээлжээ. Сүүлийн хоёр сармагчингийн үхлийн шалтгааныг тогтоохын тулд нэмэлт шинжилгээ хийх шаардлагатай аж.

Тус хотын соёл, аялал жуулчлалын сайд Кевин Йонг орон нутгийнхаа олон нийтийн “RTHK” телевизэд ярилцлага өгөхдөө, амьтны хүрээлэнгийн ажилчид нь сармагчингууд амьдардаг байсан газрын хөрсийг ухах шаардлагатай гэж хэлсэн байна. Мөн бохирдсон хөрсийг амьтад байсан газар руу ажилчид гутлаараа чирч оруулсан байх магадлалтай гэж тэрбээр нэмж хэлэв.

"Бид одоогоор хөхтөн амьтдын хэсгийг бүхэлд нь бүсэлсэн тул жирийн иргэдийг амьтадад ойртуулахгүй " гэж мэдэгдлээ.

Бактери нь ялангуяа чийглэг, шаварлаг хөрсөнд ихэвчлэн түгээмэл байдаг. Хэдийгээр энэ нь хүн, амьтны аль алинд нь нөлөөлж болзошгүй ч амьтнаас хүнд халдварлах магадлал багатай гэж албаны ажилчид үзэж байгаа юм байна.

Хотын санхүүгийн төвөөс газраас дээш, төрийн ордны ойролцоо байрладаг амьтны хүрээлэнд 40 орчим хашаанд 158 шувуу, 70 хөхтөн амьтан, 21 хэвлээр явагч байдаг.

Эх сурвалж: CNN

Бэлтгэсэн: Янжинлхам