Тодруулбал, Солонгосын Засгийн газрын мэдээллээр энэ оны есдүгээр сард Солонгосын ажилчдын дунд хамгийн их хувийг 60 ба түүнээс дээш насныхан эзэлж байгаа аж.

Үндэсний Статистикийн Хороо мэдээлснээр, есдүгээр сарын байдлаар Солонгос улс 60 ба түүнээс дээш насны 6.75 сая ажилчинтай байсан нь урьд өмнө байгаагүй дээд үзүүлэлт бөгөөд өмнөх сартай харьцуулахад 272.000-аар өссөн үзүүлэлт юм.

Мөн энэ 9-р сард анх удаа 60-аас дээш насны ажилчдын тоо 50-иад насныхныг давсан сар болсон бөгөөд 50-иад насныхан 6.72 сая ажилчинтай байжээ. Энэ хоёр насны бүлэг тус бүр нийт ажиллах хүчний 23.4 хувь, 23.3 хувийг эзэлсэн байна.

Эдгээрээс хойш 40-өөд насныхан 6.19 сая, 30-аад насныхан 5.47 сая, 20-иод насныхан 3.57 сая, 15-аас 19 насны хоорондох 142,000 хүн ажиллах хүчний бүрэлдэхүүнд орсон байна.

Ахмад насныхны ажиллах хүчний дундах хувийн хэмжээ 2021 оны 5-р сард анх удаа 20 хувиас дээш гарснаас хойш өссөөр байгаа юм. Ахмад ажилчдын тоо нэмэгдэж буй нь тус улсын хүн амын хурдан хөгширч байгаатай холбоотой. 2023 оны байдлаар Солонгосын ажиллах хүчний дундаж нас 44.8 байсан байна.

Солонгосын ажилчдын 19 хувь нь 65 ба түүнээс дээш настай байгаа нь тус улсыг Дэлхийн эрүүл мэндийн байгууллагын "хөгширсөн нийгэм" ангилалд багтааж байгаа бөгөөд хүн амынх нь 14-өөс дээш хувь нь 65 ба түүнээс дээш настай гэсэн үзүүлэлттэй байна. Түүнчлэн, Солонгос улс удахгүй ахмад настнууд нийт хүн амын 21 хувиас дээш гарсан "хэт хөгширсөн нийгэм" болох хандлагатай байна.