Хятадын хүн ам 2024 оны байдлаар гурав дахь жилдээ буурсан үзүүлэлт гарчээ. Нас баралтын тоо төрөлтөөс бага зэрэг давснаар ирэх жилүүдэд тус улсын хүн амын тоо улам буурах болно гэж мэргэжилтнүүд анхааруулж байна.

2023 онд 1 тэрбум 409 сая хүн амтай байсан бол 2024 онд Хятадын нийт хүн амын тоо 1 тэрбум 390 саяар буурсан гэж Үндэсний статистикийн товчооноос мэдээлжээ.

Энэхүү мэдээллээс харахад ажилчид болон хэрэглэгчдийн тоо буурах тусам дэлхийн хоёр дахь том эдийн засаг хэцүүхэн байдалд орох магадлалтай гэсэн болгоомжлолыг бататгаж байна. Хятад улсын ахмад настны асаргаа, тэтгэвэр тэтгэмжийн зардал нэмэгдэж байгаа нь өрөнд орсон орон нутгийн засаг захиргаанд нь нэмэлт дарамт үүсгэх магадлалтай аж.

Хятад улс 1980-2015 онд хэрэгжүүлсэн нэг хүүхэд бодлого, мөн хурдацтай хотжилтын үр дүнд Хятад улсын төрөлтийн тоо хэмжээ хэдэн арван жилийн турш буурч байна.

Хөрш зэргэлдээх Япон, Өмнөд Солонгосын нэгэн адил олон тооны Хятад иргэд орон нутгаас хот руу нүүснээр тэдний хувьд хүүхэд төрүүлэх, өсгөх зардал өндөр болсон байна.

2023 онд гэрлэлтийн тоо 12.4 хувиар өссөнөөс үүдэн 2024 онд төрөлт түр зуур л өссөн гэсэн үг гэж хүн ам зүйчид мэдэгджээ. Энэ тоо 2025 онд дахин буурах төлөвтэй байгаа юм.

Эх сурвалж: Asahi Shimbun

Бэлтгэсэн: Сарасвати