Үхрийн махаараа алдартай Японы "Sukiya" сүлжээ рестораны хоолноос харх, хорхой илэрсэн тул Даваа гарагаас эхлэн улс даяар 2000 шахам дэлгүүрээ түр хааж байгаагаа зарлав.

Японы баруун өмнөд хэсэгт орших Тоттори хотын нэгэн салбарын дэлгүүрт хооллож байсан үйлчлүүлэгч Мисо шөлнөөсөө харх олсны дараа "Sukiya" ресторан уучлалт гуйсан байна. Мөрдөн байцаалтын явцад харх хөргөгчний хаалганы цоорхойгоор нэвтэрсэн нь тогтоогджээ.

Мөн гуравдугаар сарын 28-ны өдөр тус рестораны Токио дахь салбарын дэлгүүрт хооллож байсан өөр нэг үйлчлүүлэгчийн хоолноос нь жоом олджээ.

AP агентлагийн мэдээлснээр "Sukiya" албан ёсны мэдэгдэлдээ уучлалт гуйсан байна.

"Хэргийн талаар бидэнд мэдээлсэн үйлчлүүлэгчдээ маш их хохирол, бэрхшээл учруулсанд гүнээ хүлцэл өчье. Мөн манай рестораныг ивээн тэтгэдэг бүх үйлчлүүлэгчид болон холбогдох хүмүүсээс асар их асуудал үүсгэж, санаа зовнил үүсгэсэнд хүлцэл өчье." хэмээжээ.

"Sukiya" худалдааны төвүүд дэх зарим цэгээс бусад бүх япон хоолны газруудаа хааж, дөрвөн өдрийн турш өргөн хэмжээнд дэлгүүрүүдээ цэвэрлэх болно гэж мэдэгдсэн байна.

Тус компани нь Японд 2000 шахам салбар, Хятад, Сингапур, Мексик зэрэг хилийн чанадад 660 орчим дэлгүүртэй.

Эх сурвалж: USA Today

Бэлтгэсэн: Сарасвати