Колумбаас бөмбөрцөг хэлбэртэй үл мэдэгдэх нисдэг биет олджээ. Эрдэмтэд энэхүү хачирхалтай биетийн анхны рентген зургийг олон нийтэд ил болгосны дараа энэ биетийг хүний гараар бүтээсэн байх боломжгүй хэмээн дүгнэсэн байна. 

"Нисдэг Үл мэдэгдэх биет" гэж нэрлэгддэг уг нисдэг биетийг гуравдугаар сард Буга хотын дээгүүр нааш цааш сүлжлэн нисч байхад нь олж илрүүлсэн байна.

Уг объектыг газардсаных нь дараахан эрдэмтдэд хүлээлгэн өгсөн ба түүнээс хойш эрдэмтэд дүн шинжилгээ хийж, гурван давхаргатай металл шиг материалтай, "чип" буюу цөмөө тойрсон 18 микро бөмбөрцөгтэй болохыг нь олж илрүүлжээ.

Бөмбөрцгийг шинжилсэн радиологич доктор Хосе Луис Веласкес "гагнуур, холбоосоор хийгдээгүй болох нь тогтоогдсон, энэ нь хүний гараар бүтээгдээгүй болохыг илтгэж байна" гэж мэдэгджээ.

Түүний багийнхан хэлэхдээ “Үүнд гагнуурын шинж тэмдэг илрээгүй, дотоод бүтэц нь өндөр нягтралтай элементүүдээс бүрдсэн хиймэл гарал үүсэлтэй. Үүний гарал үүслийг тогтоохын тулд илүү их туршилт хийх шаардлагатай байна” гэжээ.

Бөмбөрцөг дээр бичигдсэн тэмдгийг судалгааны баг эртний, тухайлбал Руна, Огам, Месопотамийн бичгийн системтэй харьцуулан үзжээ.

Дизайныг тайлахад туслах зорилгоор хиймэл оюун ухааныг ашиглан багийнхан мессежийг тайлбарлав: 'Өөрчлөлт, эв нэгдэл, тэлэлт, ухамсрын уулзвар болох хувь хүний ​​ухамсар дахь нэгдэл ба эрчим хүчээр төрөлт үүссэн.'

"Дэлхий эхэд туслах ухамсрын хамтын өөрчлөлтийг хөхиүлэн дэмжиж байна, ялангуяа өнөөгийн бохирдол, байгаль орчны доройтол зэрэг асуудлыг авч үзэхэд" гэж судлаачид хэлэв.

Гуравдугаар сарын 2-нд хэсэг хүмүүс уг объектыг олж авсан бөгөөд тэд хэлэхдээ “Энэ зүйл дөрвөн хагас фунт жинтэй, хүрэх үед "хөргөгчний температуртай" байсан гэжээ.

Уг объектыг олж авсан хүмүүсийн нэг болох Велес эль Потро нь обьектод хүрснээс болж хэд хоног бие тавгүйрхсэн гэжээ.

Велес эль Потрогийн хэлснээр Засгийн газар бөмбөрцөгийг хүлээлгэн өгөхийг шаардан түүнтэй холбоо барьсан боловч тэрбээр татгалзсан хариу өгчээ.

Харин тэрбээр мэргэжилтнүүдийн багт бөмбөрцгийн гарал үүслийг илрүүлнэ гэж найдаж, хүлээлгэн өгсөн байна.