Өдөрт хэдэн арав, хэдэн мянган хүний амь насыг авч одоод байгаа коронавирусний халдварын эсрэг хамгийн найдвартай вакцин бол маск зүүх хэмээн ДЭМБ болон салбарын мэргэжилтнүүд хэлж байгаа билээ. Гэвч маскны хомсдол эрүүл мэндийн салбарт төдийгүй дэлхий дахинаа үүсэх эрсдэлтэй болсон байна. Энэ тухай мэдсэн N95 маскны зохион бүтээгч Петр Цай эргэн ажилдаа оржээ. 

Тэрээр уг шийдвэрээ эмч, сувилагчид маскны нөөц хомс байгаагаас нэг маскаа олон дахин хэрэглэж байгааг мэддээд их харамссан. Тиймээс аль болох хурдан ажилдаа орж эмнэлэгийн салбарын ажилчдад туслахыг хүссэн хэмээн тайлбарласан байна. 

Тэрээр ажилдаа ормогцоо хамгийн түрүүнд өмнө нь ашигласан N95 маскыг наранд хатааж, шарах шүүгээнд хийж, савангаар угааж, уураар утах зэрэг бүхий л аргыг туршиж үзжээ. Энэ бүхний эцэст ашигласан маскыг 30 минутын турш 160° халуун агаараар үлээлгэх нь аргыг олсон байна. Гэвч Петр Цай эмнэлэгийн эмч,  сувилагч нарт энэ аргаас илүүтэй зүгээр л 7 масктай байхыг зөвлөжээ. Улмаар  нэг удаа хэрэглэсэн маскаа 7 хоногийн турш хатаах аргыгонцгойлон зөвлөсөн байна. Учир нь масканд наалдсан ямар ч бактери 7 хоногийн дотор алга болох учиртай аж. 

Сонирхуулахад, Тайван гаралтай Амеркийн шинжлэх ухаанч Петр Цай нь хоёр жилийн өмнө тэтгэвэртээ гарсан бөгөөд  тэрээр 1995 онд N95 маскыг бүтээх технологийг оюуны өмчөөр баталгаажуулж байжээ. Мөн судлаачид тус маскны хэлбэр хийц хийгээд вирусээс хамгаалах бүтэц зэргийг нь үндэслэн вирусний эсрэг хэрэглэх хамгийн тохиромжтой маск хэмээн тодорхойлсон юм. 

Эх сурвалж: CNN