ОХУ-ын  Ерөнхийлөгчийн хэвлэлийн албанаас коронавирусний эсэрг "Спутник V" вакциныг Казахстанд үйлдвэрлэх болсон талаар мэдээлжээ. Тэдний мэдээлж байгаар вакцины үйлдвэрэлт энэ сард буюу арванхоёрдугаар сарын 22-ноос үйлдвэрлэж эхэлээр болсон байна.

Одоогоор тус вакциныг хүн амыг сайн дурын үндсэн дээр вакцинжуулах зорилготой байгаа бөгөөд вакцинжуулалтыг ирэх оноос эхлүүлэхээр төлөвлөж байгаа аж. Мэдээж эхний ээлжинд халдвар авах хамгийн эрсдэлтэй бүлэг болох эмч, багш нар, хууль сахиулах байгууллагуудын ажилчдыг хамруулахаар болсон байна. 

Эргэн сануулахад, Өнгөрсөн наймдугаар сард ОХУ-ын Ерөнхийлөгч В.Путин дэлхийн анхны коронавирусийн эсрэг вакциныг амжилттай гарган авч чадсан талаар дэлхий нийтэд мэдээлсэн билээ. Дэлхийн анхдагч хэмээн цоллосон тус вакциныг Зөвлөлт Холбоот Улсын 1957 онд хөөргөж байсан дэлхийн анхны сансрын хиймэл дагуул болох "Спутник V"-ын нэрээр нэрлэсэн юм. Мөн вакцины эмнэлзүйн туршилтын дүнд хийсэн хоёр дахь завсрын дүн шинжилгээгээр вакциныг тарьснаас 28 хоногийн дараа 91.4 хувийн үр дүн үзүүлсэн бол эхний тарилгаас хойш 42 дахь өдөр 95 хувиас давсан юм.