Байгаль орчин, уур амьсгалын өөрчлөлтийн сайд Ц.Сандаг-Очир COP17-ийн хүрээнд Монгол Улс “Тал хээрийн төлөвлөгөө” нэрийн дор бэлчээрийн тогтвортой менежмент, газар усны нэгдсэн менежмент, байгальд суурилсан ногоон дэд бүтцийн шийдэл гэсэн гурван үндсэн санаачилга дэвшүүлж байгааг мэдээллээ.

Тэрбээр зам тээвэр, барилга, уул уурхай, эрчим хүчний салбарт байгальд ээлтэй шийдэл, ногоон шилжилтийг түлхүү хэрэгжүүлэх шаардлагатайг онцлов.

COP17-оор ган, цөлжилт, хуурайшилт, шар шороон шуурга, усны хомсдол зэрэг дэлхий нийтэд тулгамдаж буй асуудал, улс орнуудын өмнө хүлээсэн амлалтын хэрэгжилт, цаашдын санхүүжилтийн чиглэлийг хэлэлцэнэ.