НҮБ-ын Хөгжлийн хөтөлбөр болон Дасан зохицох сангийн дэмжлэгтэйгээр орон нутгийн иргэдийн манлайлалд суурилсан уур амьсгалын өөрчлөлтөд дасан зохицох хоёр шинэ санаачилгыг COP17-ийн үеэр эхлүүллээ.

Эхний санаачилга нь Африкийн зургаан улсын бэлчээрийн бүс нутагт амьдардаг уугуул иргэд болон орон нутгийн иргэдэд өөрсдийн дасан зохицох тэргүүлэх чиглэлээ тодорхойлж, хэрэгжүүлэхэд нь шууд дэмжлэг үзүүлэх юм. Хоёр дахь санаачилга нь Номхон далайн арлын орнууд, Өмнөд болон Зүүн Өмнөд Ази, Монгол Улсын орон нутгийн иргэдийг хамруулж, ландшафтын түвшинд уур амьсгалын тэсвэржилтийг бэхжүүлэхэд чиглэж байна.

Шинэ санаачилгуудын онцлог нь орон нутгийн иргэдийг зөвхөн төслийн оролцогч бус, шийдлээ өөрсдөө тодорхойлж, төлөвлөж, хэрэгжүүлэн, үр дүнг нь хянах гол тал болгон оролцуулахад оршино. Төслүүдийн хүрээнд доройтсон бэлчээрийг сэргээх, усны менежментийг сайжруулах, уур амьсгалд тэсвэртэй хөдөө аж ахуй, мал аж ахуйн тогтолцоог хөгжүүлэх, биологийн олон янз байдлыг хамгаалах болон орон нутгийн иргэдийн амьжиргааг төрөлжүүлэх зэрэг шийдлийг хэрэгжүүлэх боломжтой. Мөн уламжлалт мэдлэгийг шинжлэх ухааны мэдлэгтэй хослуулахыг чухалчилж байна.